Lajme
Zvicra themelon një task forcë shkencore për të luftuar koronavirusin
Ekspertët në fushat e kërkimit dhe inovacionit duhet të gjejnë mënyra përmes të cilave shkenca mund të kontribuojë në mënyrë më të shpejtë në luftimin e Covid-19

Situata me pandeminë aktuale Covid-19, ka shtyrë Konfederatën të iniciojë një bashkëpunim më të ngushtë me shkencëtarët e vendit. Një task forcë shkencore që po themelohet, duhet të ndihmojë për t`u dalë përpara sfidave të pandemisë, thuhet në një njoftim të Qeverisë Federale të Zvicrës.
Përveç në dispozicion të Qeverisë Federale, ekspertët duhet të jenë edhe në dispozicion të kantoneve, përcjell albinfo.ch. Grupi i punës kryesohet nga Matthias Egger, President i Këshillit Kombëtar të Kërkimit në kuadër të Fondacionit Kombëtar Zviceran të Shkencave (SNSF).
Ekspertët në fushat e kërkimit dhe inovacionit gjithashtu duhet të gjejnë mënyra përmes të cilave shkenca mund të kontribuojë në mënyrë më të shpejtë në luftimin e Covid-19.
Task-forca me këtë rast përdor një iniciativë të fundit në këtë fushë, të bërë nga universiteti ETH. Tani ajo integron në vete edhe nisma dhe kompetenca nga SNSF dhe swissuniversities, si dhe nga akademitë, transmeton albinfo.ch.
Temat që do të trajtohen në mënyrë të koordinuar nga Task Forca në fjalë, janë: diagnostikimi, kujdesi klinik dhe hulumtimi, përcjellja e kontakteve duke përdorur aplikacione të reja digjitale për tu zhvilluar dhe vërtetuar, dhe pyetje në fushën e etikës dhe ligjit.
Puna e planifikuar e kësaj task force financohet përmes buxhetit të rregullt të organizatave përkatëse, përcjell albinfo.ch. Asaj mund t`i jepen urdhra dhe autorizime për ekspertiza më të zgjeruara. Në këtë kontekst, kudo që të jetë e mundur, duhet të përdoren kryesisht instrumente të rregullta të financimit për hulumtim dhe inovacion.
E-Diaspora
-
Leonard Ferati reagon ndaj debatit për votimin komunitar: “Është demokraci lokale, jo sistem i organizuar” Ndërsa në komunat Vernier dhe Meyrin janë vërejtur disa anomali statistikore që kanë nxitur sërish debatin...
-
Çka duhet të dini para se të bleni një shtëpi në Zvicër?
-
Shkel linjën e sigurisë dhe nget makinën me patentë kosovare: Gjobitet kosovarja
-
Itali: Studentët nga universiteti “La Sapienza” bëjnë homazhe për shqiptaren e vrarë
-
Forbes rendit Mihane Sadikun si sipërmarrëse profesioniste
Jeta në Zvicër
-
ETH Cyrih refuzon të plotësojë pyetësorin e qeverisë amerikane Instituti Federal Zviceran i Teknologjisë në Cyrih (ETH) ka vendosur të mos i përgjigjet një pyetësori...
-
Sektori farmaceutik zviceran përballet me pasiguri pas kërcënimit të taksave të reja amerikane
-
Ky aeroport në Zvicër rrezikon mbylljen për shkak të shkurtimeve në kontrollin e trafikut ajror
-
Pastrimi i parave po ndikon në rritjen e çmimeve të banesave në Zvicër
-
Zvicra po përgatitet për murtajën e derrave