Kosova
Zvicra rikonfirmon mbështetjen e saj për Kosovën
Ambasadori zviceran, Thomas Kolly, u prit nga ministrja e Punëve të Jashtme dhe Diasporës, Meliza Haradinaj-Stublla, i cili rikujtoi lidhjet e forta dypalëshe dhe njerëzore mes dy vendeve tona. Ata patën shkëmbim të hapur rreth nevojës për dialog transparent dhe gjithëpërfshirës me Serbinë në kuadër të rrugës së Kosovës drejt integrimit evropian, shkruan albinfo.ch.
Ministrja e Punëve të Jashtme dhe Diasporës e Republikës së Kosovës, znj. Meliza Haradinaj Stublla, të hënën ka pritur në takim njoftues ambasadorin e ri të Konfederatës së Zvicrës në Prishtinë, Thomas Kolly, me të cilën ka bizeduar për zhvillimet politike në Kosovë e rajon, në veçanti për Marrëveshjen e Uashingtonit, si dhe për intensifikimin dhe thellimin e marrëdhënieve diplomatike midis dy vendeve.
“Sot mirëprita në Ministri Ambasadorin e ri të Zvicrës në Kosovë, z.Thomas Kolly, të cilin e njoftova me zhvillimet politike, për Marrëveshjen e Uashingtonit, si dhe zotimet e Kosovës për paqe e stabilitet në rajon, të cilat i hapin rrugën njohjes së ndërsjellë në kufijtë ekzistues midis Kosovës e Serbisë”, tha ministrja Haradinaj-Stublla.
Kryediplomatja Haradinaj-Stublla falënderoi Ambasadorin Kolly për mbështetjen e zëshme të Zvicrës në të gjitha proceset shtetndërtuese, në veçanti përkrahjen për integritetin territorial dhe sovranitetin e Kosovës.
“U dakorduam për rëndësinë e dialogut konstruktiv për ndërtimin dhe zhvillimin e rajonit, dhe njëherësh falënderova Ambasadorin për ndihmën e madhe të Zvicrës, si shtet i veçantë mik, në mbështetje të proceseve të shtetndërtimit të Kosovës, integrimit evropian dhe forcimit të subjektivitetit ndërkombëtar”, tha shefja e diplomacisë së Kosovës. /Albinfo.ch
E-Diaspora
-
Kurti: Pa diasporën, Kosova nuk do ta gëzonte lirinë dhe zhvillimin Kurti nga Parisi: Pa kontributin e diasporës vendi ynë nuk do ta gëzonte lirinë dhe zhvillimin...
-
Debat me kryeministrin Kurti në Universitetin e St. Gallenit
-
SHBA: Oficeri i FSK-së diplomon në Inxhinieri Ushtarake
-
Piktori Haxhi Fejzullahi hap ekspozitë personale në Graz
-
Itali: “Yjet e së ardhmes”, filmi më i mirë ndërkombëtar në festivalin ‘Castelli Romani’
Jeta në Zvicër
-
Miratohet udhëtimi me autobus rajonal ndërmjet Italisë dhe Zvicrës Pasagjerët në shërbimet publike rajonale të autobusëve midis Italisë dhe Zvicrës do të mund të hipin...
-
Cyrihu do të rrisë tarifat e parkimit për makinat e rënda
-
Për 50 vjet numri i personave të punësuar në Zvicër u rrit nga 2.8 milionë në 4.8 milionë
-
Gjykata Federale: Një sulm ‘i vogël’ seksual nuk mund të shkurtojë dënimin me burg
-
Cilat kantone në Zvicër kanë pagën minimale më të lartë?