Shkurt.ch
Zvicra paguan shtrenjtë “fyerjen” e djalit të Gadafit
Qeveria e Zvicrës i ka paguar Hannibal Gadafit 1.5 milionë franga. Pagesa është bërë për hirë të "një klime mirëbesimi" mes dy shteteve
Qeveria e Zvicrës i ka paguar Hanibal Gadafit, të birit të diktatorit të Libisë, 1 milion franga e gjysmë. Ky ka qenë dënim i paguar për „fyerjen“ që i është shkaktuar atij kur gazeta zvicerane „Tribune de Genève” kishte botuar fotografitë policore të arrestimit të tij që kishte ndodhur në Gjenevë.
Siç dihet tashmë, ky arrestim pati shkaktuar një periudhë të gjatë tensionimesh në mes të Zvicrës dhe Libisë. Kjo e fundit, madje, në shenjë hakmarrjeje, për afër dy vjet kishte mbajtur peng dy afaristë zviceranë.
Me gjithë këtë, gazeta e përmendur kishte mbrojtur të drejtën e saj për të publikuar fotografitë dhe po ashtu nuk e kishte zbuluar personin nga policia e Gjenevës, i cili ia kishte dorëzuar fotografitë në fjalë.
Ndërkaq, Hannibal Gadafi e kishte paditur Zvicrën për shkak të fyerjes dhe kishte kërkuar para si dëmshpërblim.
Sipas asaj që zëdhënësi i Ministrisë për Punë të Jashtme, Adrian Sollberger i ka deklaruar mbrëmë gazetës „Tribune de Geneve“, Qeveria e Zvicrës i ka paguar Hannibal Gadafit një shumë prej 1.5 milionë frangash. Pagesën e ka bërë qeveria, pasi që ajo nuk besonte më se do të zbulonte fajtorin për nxjerrjen e fotografive të Gadafit junior nga policia e Gjenevës.
Sollberger ka thënë më tutje se ajo që synohej (duke bërë pagesën) ishte krijimi i një klime të mirëbesimit mes dy shteteve. Hannibal Gadafit i ishin lënë të hollat në dispozicion të lirë, por ai ishte zotuar që ato t`i përdorte për qëllime humanitare.
E-Diaspora
-
Shoqata “ILIRËT” do të prezantohet me këngë e valle shqiptare në qytetin Gland Si çdo vit, edhe këtë nëntor do të mbahet festa shumëkulturore e qytetit Gland, të shtunën,...
-
Kosovari nga Austria po voziste një veturë të vjedhur para 11 vjetëve
-
Kurti uron Ditën Kombëtare të Austrisë
-
“Siparantum” valëvit flamurin e Kosovës në Spanjë, krahas 32 shteteve
-
Arrestohet shqiptari nga Gjermania për keqpërdorim të fëmijëve në pornografi
Jeta në Zvicër
-
Qiratë e larta i pengojnë njerëzit të ndryshojnë apartamentet Edhe pse popullsia zvicerane po rritet me shpejtësi, numri i njerëzve që lëvizin është ulur ndjeshëm...
-
Gjashtë lajmet që “përmblodhën” Zvicrën këtë javë
-
Sa i rëndësishëm është për Zvicrën fituesi i zgjedhjeve në SHBA?
-
Aeroplani zviceran u detyra të bëjë ulje të paplanifikuar, kjo është arsyeja
-
Eurovision Song Contest në Bazel: EDU dorëzon referendumin