Lajme
Promovohet në Zvicër romani i Mimoza Hysës “Bijat e gjeneralit”, në përkthimin gjerman
Autorja prezanton në bibliotekën "Pestalozi", në Cyrih romanin e saj të sapobotuar "Die Töchter des Generals" së bashku me përkthyesen e saj, Loreta Schillock
Të premten (nesër) më 26 prill, në Cyrih bëhet promovimi i romanit të përkthyer në gjuhën gjermane “Die Töchter des generals” (Titulli i origjinalit: “Bijat e gjeneralit”) i autores së njohur nga Shqipëria, Mimoza Hysa.
Shtëpia botuese Anthea Verla”, Berlin fton libërdashësit të jenë të pranishëm në një mbrëmje me lexim dhe bisedë me autoren Mimoza Hysa, shkruan albinfo.ch. Moderimi dhe përkthimi do të bëhet nga përkthyesja e njohur, Loreta Schillock
Autorja shqiptare, Mimoza Hysa, e cila ka fituar çmime të shumta letrare kombëtare dhe ndërkombëtare, prezanton romanin e saj të sapobotuar “Vajzat e gjeneralit” së bashku me përkthyesen e saj, Loreta Schillock. Libri u botua në mars 2024 nga Anthea Verlag Berlin.
Në qendër të romanit “Bijat e gjeneralit” është historia e Marsinës dhe Martinës, dy binjakeve, bija të një ushtaraku të lartë në karrierë në kohën e diktaturës në Shqipëri. Ato ndajnë po të njëjtat dashuri për dy burrat e jetës së tyre: për babanë komunist dhe Jetonin “me kleçkë” në biografi. Dy zgjedhje të vështira që përgatisin një tragjedi. Një roman psikologjik turbullues, i shkruar në vetë të dytë, si kërkim ngulmues i fajtorit tek tjetri, krejt i ngjashëm me veten. Personazhe të dyzuara, me zhvillime dhe përfundime të befasishme. Një rrëfim intim për seksin dhe dhunën, për sistemin dhe kaosin, për ndjenjën dhe detyrën, për ambicien dhe rivalitetin.
Organizator: Anthea Verlag Berlin
Kontribuesit: Vaxhid Sejdiu me LAPSH “Naim Frashëri” dhe Biblioteka e PBZ Hardau
Koha: E premte, 26 prill, ora 19:30, hyrje pa pagesë
Vendi: Biblioteka e PBZ Hardau
Adresa: Norastrasse 20, 8004 Cyrih, Zvicër
Telefoni: 41 44 204 98 40
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë