Lajme
Zvicër: Policia arreston katër të dyshuar për terrorizëm
![](https://www.albinfo.ch/wp-content/uploads/2019/08/237303477_highres-587x392.jpg)
Prokuroria federale ka njoftuar sot se katër persona janë arrestuar në kantonet Vaud dhe Neuchâtel, nën dyshimet për terrorizëm. Më parë ishin kryer kontrolle në shtatë shtëpi, me qëllim luftën kundër kundër terrorizmit, shkruan Blick.ch, përcjell albinfo.ch.
Sipas Prokurorisë Federale, personat e arrestuar akuzohen për akte të ndryshme mbështetjeje në favor të një grupi terrorist.
Procedimi penal, i cili u hap nga janari i vitit 2022 deri në shtator të vitit 2022, po vazhdon kundër të gjithë të akuzuarve teksa thuhet se në kuadër të procedurës, Prokuroria e Përgjithshme është në kontakt me disa vende të tjera.
Sipas njoftimit për media, të gjithë të akuzuarit janë shtetas sirianë – 28, 49, 53 dhe 57 vjeç. Dy prej tyre kishin jetuar në kantonin Vaud derisa u arrestuan ndërsa dy të tjerët ishin në strehimore për azil në kantonet Vaud dhe Neuchâtel.
Ata akuzohen për shkelje të ndalimit të grupeve Al Kaeda dhe Shteti Islamik dhe organizatave të ngjashme. Në mënyrë të veçantë, njëri nga të akuzuarit dyshohet se mbështeti një grup terrorist të lidhur me degën e atëhershme siriane të Al-Kaedës, Jabhat Al-Nusra.
Personat e arrestuar do të sillen në prokurorinë federale dhe do të merren në pyetje ndërsa raportohet se pas kësaj, do të merret një vendim për çdo kërkesë për paraburgim.
Nga zyra e prokurorit federal nuk janë dhënë informacione të mëtejshme derisa të lejojë statusi i procedurës.
Të ngjashme
Të tjera nga Lajme
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
-
Brazil: Sopranoja shqiptare do të performojë në teatrin “Municipal të São Paulo”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë