Lajme
Zvicër: Familja kosovare pritet të dëbohet, akuzohet se mori mbi 600 mijë franga ndihmë sociale
Raportohet se një familje kosovare duhet të largohet nga Zvicra, pasi akuzohet se ka marrë ndihmë sociale në vlerë 618 mijë franga, raporton “Blick”. Gjykata Federale refuzoi ankesën e çiftit, pavarësisht se kanë nisur të punojnë.
Gjykata Federale vendosi që çifti kosovar dhe djali i tyre i mitur duhet të largohen nga Zvicra pasi kanë marrë ndihmë sociale me vite.
Vendimi ishte marrë nga tre gjyqtarë dhe konfirmon vendimin e Gjykatës Administrative të Aargaut, duke vënë në dukje varësinë e konsiderueshme dhe afatgjate të familjes nga mbështetja e shtetit.
Burri 55-vjeçar dhe gruaja 50-vjeçare kanë jetuar në Zvicër më shumë se gjysmën e jetës së tyre.
Gruaja erdhi në Zvicër në vitin 1992 si 17-vjeçare si bashkim familjar, ndërsa burri iu bashkua asaj në vitin 1994 pas martesës së tyre. Nga maji i vitit 2008 deri në fund të vitit 2022, thuhet se familja kishte marrë rreth 618 mijë franga ndihmë sociale. Në janar të vitit 2022, Zyra e Migracionit në Aargau njoftoi se do të revokonte lejeqëndrimin e familjes dhe zbatoi këtë në prill të vitit 2022.
Avokati mbrojtës ka thënë se varësia e çiftit nuk është e përhershme, pasi ata punojnë prej një vit e gjysmë dhe kanë siguruar të ardhura neto prej 6400 franga në muaj.
Por, Gjykata Federale vendosi se marrja e ndihmave sociale prej më tepër se 15 vjet është tepër e gjatë. Po ashtu zbuloi se çifti nisi punën vetëm pasi u kërcënua nga zyra e migracionit.
E-Diaspora
-
Sylë Mujaj, ekspozitë në Paradiso (Lugano): Arti që kalon kufijtë kombëtarë Pjesëmarrësit, duke përfshirë autoritetet e Kosovës dhe Zvicrës, vlerësuan nivelin e lartë të ekspozitës dhe rëndësinë...
-
Libri mbi Luftën e Kosovës, në Panairin e Librit në Frankfurt 2024
-
Shoqata “Sytë Kërkojnë Dritë” organizoi mbrëmje humanitare për Festivalin e Aftësisë së Kufizuar
-
Shqiptarja, gjyqtarja kryesore në ndeshjen e femrave mes Sporting CP-Real Madrid në UEFA
-
Në Offenbach, hapet shkolla e dytë për mësim plotësues në gjuhën shqipe
Jeta në Zvicër
-
Zvicër: Rriten kërkesa për shtëpi për një familje Në harkun kohor të një viti, nga fillimi i korrikut 2023 deri në fund të qershorit...
-
Protesta simbolike e mjekëve të Gjenevës, pse ndodhi
-
Për herë të parë, Zvicra ka zyrtarisht nëntë milionë banorë
-
Leja e zgjatur prindërore në Gjenevës është pezulluar nga Parlamenti
-
Ushtria e Zvicrës ka nevojë për 4 miliardë franga shtesë