Integrimi
Zëri i viktimave të Kosovës, në “Kopshtin e të zhdukurve” në Gjenevë
Me këtë rast shfaqet filmi "Zgjoi" i Blerta Bashollit me praninë e Fahrije Hotit, historia e vërtetë e së cilës ka frymëzuar filmin
Shoqata “Kopshti i të Zhdukurve”, në kuadër të 24=vjetorit të krijimit të saj, në bashkëpunim me “Rrethin shqiptaro-mejrinas” dhe “Kolektivin feminist” në komunën Meyrin të kantonit të Gjenevës si dhe me mbështetjen e shkëlqyer të Shërbimit kulturor të qytetit Meyrin, ju ftojnë në shfaqjen e filmit zvicerano-kosovar “Zgjoi”, me regji të Blerta Bashollit.
Filmi shfaqet të shtunën, më 12 tetor, në orën 19:00, në Aula de l’École des Boudines 10, rue des Boudines në Meyrin.
Shfaqjes do t’i paraprijë një ceremoni në “Kopshtin e të zhdukurve” në orën 17:00, e më pas do të takohemi me Fahrije Hotin, historia e vërtetë e së cilës ka frymëzuar filmin “Zgjoi” dhe me Agron Limanin, që të dy viktima të zhdukjes me forcë në Kosovë.
Për të kuptuar më mirë situatën e zhdukjeve të dhunshme në Kosovë dhe për të takuar familjet e të zhdukurve si dhe shoqatat e viktimave të zhdukjes me forcë, komiteti i shoqatës “Kopshti i të Zhdukurve” kishte zhvilluar këtë vit, nga data 8 deri më 12 maj, një vizitë në Kosovë. Gjatë këtij udhëtimi mjaft tërheqës, delegacioni kishte vizituar vende të ndryshme përkujtiomore në Kosovë.
Në Krushë, delegacioni i “Kopshtit të të zhdukurve” ka vizituar kooperativën bujqësore “Krusha” të Fahrije Hotit e cila sot ka rreth njëqind punëtore. Prandaj, shoqata nga Gjeneva pret me kënaqësi zonjën Hoti, këtë të shtunë, më 12 tetor në Meyrin.
Me qëllim që zëri i viktimave të Kosovës, familjarët e të cilëve ende kërkojnë të dinë për fatin e më të dashurve të tyre të zhdukur me dhunë nga regjimi shfarosës i Serbisë, të gjithë ju, të paktën sot, me praninë e juaj mundë t’i jepni fuqi këtij zëri e të kërkojmë që liria e Kosovës të jetë e plotë. Paraprakisht ne ju falënderojmë në emër të shoqatës “Kopshti i të zhdukurve”, “Rrethit shqiptaro-mejrinas” dhe “Kolektivit feminist” të komunës së Meyrin-it, thuhet në njoftimin që Mirishahe Limani Hiler ka publikuar për rrethin e saj në rrjetet sociale.
Mirë se vini!
Të tjera nga Integrimi
E-Diaspora
-
Arti diplomatik i Shuk Oranit: Një iniciativë kulturore me strategji ndërkombëtare Në një kohë kur kufijtë po bëhen gjithnjë më të tejdukshëm dhe komunikimi kulturor ka arritur...
-
Tabaku takon drejtuesit e diasporës shqiptare në Gjermani, katër pikat kyçe që u diskutuan
-
Suedi
Suedi: Elena Sadiku shënon historinë, bëhet trajnerja më e re e futbollit e të gjitha kohëve
-
Zvicër
Xherdan Shaqiri festoi ditëlindjen e 33-të
-
Gjermani
Laura Spaqi, kosovarja tjetër në garë për këngëtaren më të mirë të Gjermanisë
Jeta në Zvicër
-
Tiefenau Bernë me 820 shtretër, nga spitali në akomodimin më të madh të azilit në Zvicër Një qendër e re azili në Bernë tregon se spitalet e mbyllura janë të përshtatshme për...
-
Produktet e kujdesit personal ndikojnë në cilësinë e ajrit të brendshëm, paralajmëron studimi zviceran
-
Lajmet që karakterizuan ditën e premte në Zvicër
-
Pse Serbia e pret Zvicrën në Leskovc e jo në Beograd?
-
Pse këtë vit aeroporti i Gjenevës u rendit më i keqi në Evropë?