Tematike
“Zalando” në Zvicër akuzohet për trajtim çnjerëzor të punëtoreve të logjistikës
Punëtorët ose punëtoret (sepse 96% të tyre janë femra) kanë ngritur zërin kundër diskriminimit, të cilit, sipas tyre, ato i nënshtrohen në mënyrë sistematike

Keni blerë ndonjëherë vesmbathje përmes shërbimit online, “Zalando”? Sigurisht që shumica do ta kenë bërë këtë dhe, një numër i konsiderueshëm kanë pasur rastin të kthejnë mallin e blerë. Kjo, për faktin se nuk u “ka rënë tamam” dhe sidomos për arsyen se kthimi (me postë) është falas, transmeton albinfo.ch. Kur jemi te kthimi, Zvicra është “kampione” në Evropë, ku “Zalando”, me bazë në Gjermani, ka kudo pikat e veta të liferimit.
Por, as blerësit më konsekuentë përmes Zalandos nuk e kanë menduar ndonjëherë se sa vuajtje u shkaktojnë qindra punëtoreve që punojnë në “Zewa Logistic Zentrum”, Solothurn, që shërben si qendra më e madhe logjistike e këtij shërbimi, për Zvicrën, shkruan 20minuten.ch. Punëtorët ose punëtoret (sepse 96% të tyre janë femra) kohët e fundit kanë ngritur zërin kundër diskriminimit, të cilit, sipas tyre, ato i nënshtrohen në mënyrë sistematike.
Kështu, dy punëtore, në kushte anonimiteti kanë radhitur një varg ankesash për trajtimin e keq që ua bën qendra. Ato janë ankuar se trajtohen si robër, u caktohen norma të papërballueshme pune dhe mbikëqyren rreptësisht nga shefat dhe më në fund, marrin një pagë nën mesataren, të pamjaftueshme për jetesën në Zvicër.
Dhe, problemin më të madh atyre ua shkakton në veçanti kthimi i rrobave që konsumatorët e pakënaqur e bëjnë pa shumë telashe. Ato duhet të merren me këto rroba (ose dhe këpucë etj.), t`i seleksionojnë, t’i kontrollojnë dhe t`i paketojnë sërish, përcjell albinfo.ch. Për një orë ato duhet ta bëjnë këtë veprim plot 41 herë, që për to është një ritëm i papërballueshëm.
Për më tepër, punëtoret në fjalë thonë se pamundësia për të përmbushur normën në fjalë u kushton me para, d.m.th. ato “paguajnë” nga xhepi i tyre për qejfin e konsumatorëve të pakënaqur dhe për punëdhënësin.
Edhe një përfaqësues i sindikatave (Unia) i lidhur në emision ka konfirmuar se të gjitha ankesat e punëtoreve qëndrojnë dhe trajtimi që u bëhet atyre është i padrejtë, transmeton albinfo.ch. Sipas tij, punëdhënësit shfrytëzojnë rrethanat e vështira jetësore të grave/vajzave të punësuara aty, të cilat në shumicën dërmuese janë me prejardhje të huaj dhe që detyrohen ta pranojnë këtë punë në mungesë të ndonjë zgjedhjeje tjetër, më të mirë.
Nga ana tjetër, përgjegjësit e qendrës logjistike kundërshtojnë deklarimet e punëtorëve dhe thonë (në përgjigjet e tyre me shkrim) se trajtimi i punëtoreve është njerëzor dhe konform ligjeve në fuqi.
Të ngjashme
Të tjera nga Tematike
E-Diaspora
-
Nga Hitachi Vantara te Sonio AG: Arritjet e Leutrim Hajdarit në arkitekturën cloud Për Leutrimin, teknologjia nuk është thjesht një mjet, por një forcë lëvizëse që ndryshon mënyrën se...
-
Diaspora në Kuvendin e Kosovës, Hysen Ҫekaj e Nezir Kraki sigurojnë mandatet
-
Ka filluar regjistrimi i nxënësve për mësim në gjuhën shqipe, në shkollat publike austriake
-
Vjenë: Hapet regjistrimi për mësimin e gjuhës shqipe
-
Sonte mbahet debati i hapur me kandidatët shqiptarë në Gjenevë
Jeta në Zvicër
-
Rusia kërkon mercenarë të dyshuar zviceranë Disa shtetas zviceranë u janë ekspozuar të dhënat e tyre personale në faqet e internetit pro-ruse...
-
Normat më të larta të interesit pas ndryshimit të qiramarrësit, rregull në Gjenevë
-
“Shpërndarësit e pabindur”: Këshilla dhe të vërteta rreth monedhave të refuzuara
-
Drama “SWISS” në Graz: Pse dy dyert e urgjencës mbetën të mbyllura?
-
Të huajt që mund të jetojnë në Zvicër pa pasur punë