Lajme
“Viza Shengen, 750 euro”: trafikantët shqiptarë joshin emigrantët drejt Evropës
“Ne po i çojmë njerëzit në Mbretërinë e Bashkuar për 45 minuta me skafe. Kalimi është 100 për qind i sigurt”
![](https://www.albinfo.ch/wp-content/uploads/2022/09/trafikimi.jpg)
Autoritetet britanike kanë fshirë 12,000 reklama të paligjshme të publikuara në rrjetet sociale nga bandat shqiptare të trafikimit. Këta kanë joshur kështu migrantët për kalime “të sigurta” drejt Britanisë së Madhe dhe BE-së, kryesisht Gjermanisë dhe Francës, transmeton albinfo.ch.
Agjencia Kombëtare kundër Krimit në Mbretërinë e Bashkuar (NCA), duke punuar me platformat si Meta, TikTok dhe YouTube, ka hequr rreth 12,000 reklama të tilla deri në fund të qershorit 2024. Sipas gazetës Daily Mail, disa postime përfshinin përshkrime të detajuara si “Ne po i çojmë njerëzit në Mbretërinë e Bashkuar në 45 minuta me skafe. Kalimi është 100 për qind i sigurt.”
Kontrabandistët premtojnë “udhëtim të garantuar” edhe në Gjermani
Një tjetër postim premtonte një “udhëtim të garantuar në Francë, Gjermani, Belgjikë dhe Londër”, shkruan focusonline.de. Ai ishte shkruar në gjuhën afgane pashtu.
Ndërsa në një postim tjetër në gjuhën Farsi, që flitet në Iran dhe Darsi, që flitet në Afganistan, kontrabandistët reklamojnë se për një “vizë Shengen të garantuar” duhet paguar 750 euro ndërsa një vizë “pa garanci kthimi” kushton 6000 euro, përcjell albinfo.ch.
NCA ka arrestuar tashmë disa të dyshuar, duke përfshirë shtetas vietnamezë dhe irakianë, të cilët thuhet se kanë shpërndarë fushata të tilla reklamuese në internet.
Dan Barcroft nga NCA thotë për Daily Mail: “Mediat sociale janë çelësi për funksionimin e këtyre grupeve të organizuara kriminale”.
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë