Kosova

VIDEO: 15 ditë nën vëzhgim, pamje nga vendi ku u kap sasia e madhe e kokainës

Detaje të tjera pritet të jepen shumë shpejt nga Policia e Kosovës

E hënë, 17 Maj 2021 - 16:05 albinfo.ch

Qindra kilogramë kokainë janë kapur në Lipjan të Kosovës pasditen e sotme, në një kamion që mbante produkte mishi.

Bahri Shala, kreu i Drejtorisë së Anti Drogës, tha për Top Channel se sasia e kapur e kokainës është 300-400 kilogramë.

Duke qenë se operacioni ishte në zhvillim, u raportua paraprakisht se sasia e kokainës ishte në masën 2.2 tonë. Vendi ku është sekuestruar kokaina është në hyrje të qytetit të Lipjanit, në afërsi të stacionit të zjarrfikësve, përcjell albinfo.ch.

Kamioni i kuq me targë 01 263 ODME me këtë sasi kokaine ka qenë fillimisht në Durrës, duke kaluar përmes pikës kufitare të Vermicës, ndërsa nuk dihet se cili ka qenë destinacioni përfundimtar i tij dhe kush fshihet pas kësaj sasie të madhe droge.

Operacioni u krye në bashkëpunim me policinë shqiptare, kosovare dhe atë italiane, ku pala shqiptare për 15 ditë e kishte mbajtur në vëzhgim që nga ardhja në portin e Durrësit.