Lajme
Vendet më të sigurta për turistët, ku renditet Cyrihu
Studimi analizoi gjithashtu rreziqet e sigurisë dixhitale, të cilat i përcaktoi si aftësinë për të përdorur lirshëm internetin, pa frikë nga sulmet në internet ose shkeljet e privatësisë
![](https://www.albinfo.ch/wp-content/uploads/2022/06/93d325f2-fba9-4a9a-a305-835d99fdb492.jpeg)
Singapori është qyteti më i sigurt në botë për turistët, sipas një studimi të ri nga Forbes Advisor.
Studimi, i cili analizoi faktorë të tillë si krimi, cilësia e kujdesit shëndetësor dhe rreziqet për fatkeqësitë natyrore, i vlerësoi rezultatet e sigurisë nga 0 në 100 – ku qytetet më të sigurta marrin rezultatet më të ulëta.
Bazuar në vlerësimin e studimit, Singapori shënoi 0 pikë.
Nga 60 qytete të analizuara, qyteti i Azisë Juglindore ka rrezikun më të ulët të fatkeqësive natyrore dhe është i dyti me pikët më të ulëta për rreziqet shëndetësore dhe të infrastrukturës.
Studimi analizoi gjithashtu rreziqet e sigurisë dixhitale, të cilat i përcaktoi si aftësinë për të përdorur lirshëm internetin, pa frikë nga sulmet në internet ose shkeljet e privatësisë, shkruan shqip.al, transmeton albinfo.ch.
Singapori u konsiderua se ishte i dyti me rrezikun më të ulët të sigurisë dixhitale.
Pas Singaporit, studimi renditi Tokion dhe Toronton si qytetet e radhës më të sigurta për udhëtarët.
Tokio u konsiderua se kishte rrezikun më të ulët për sigurinë shëndetësore, një dëshmi për cilësinë e shërbimeve të kujdesit shëndetësor në qytet dhe i pesti me rrezikun më të ulët për sigurinë e infrastrukturës.
Cyrihu i Zvicrës është renditur në vendin e pestë.
Japonia dhe Australia ishin të vetmet vende, që kishin dy qytete të renditura në listën e 10 më të mirëve të studimit, e cila përfshinte:
- Singapor
- Tokio, Japoni
- Toronto, Kanada
- Sidnej Australi
- Cyrih, Zvicër
- Kopenhagën, Danimarkë
- Seul, Kore e Jugut
- Osaka, Japoni
- Melburn, Australi
- Amsterdam, Holandë
Qytetet më të rrezikshme
Vetëm një qytet mori 100 pikë: Karakas, Venezuelë.
Ai kishte “rrezikun më të lartë të sigurisë shëndetësore, duke reflektuar nivelin dhe cilësinë e ulët të shërbimeve dhe infrastrukturës së kujdesit shëndetësor”, raportoi studimi.
Shkalla e krimit në Karakas i dha atij gjithashtu vlerësimin më të ulët të sigurisë së udhëtimit nga Departamenti i Shtetit i SHBA – një këshillë “Niveli 4: Mos udhëto”.
“Mos udhëtoni në Venezuelë për shkak të krimit, trazirave civile, rrëmbimeve dhe zbatimit arbitrar të ligjeve lokale. Rimendoni udhëtimin për shkak të terrorizmit dhe infrastrukturës së dobët shëndetësore”, thuhet në faqen e internetit të Departamentit të Shtetit.
Karaçi i Pakistanit u konsiderua qyteti i dytë më i rrezikshëm në studim.
Këshilltari i Forbes e kategorizoi Karaçin me rrezikun më të lartë për sigurinë personale, si dhe të katërtin me rrezikun më të lartë të sigurisë së infrastrukturës.
“Terrorizmi dhe dhuna e vazhdueshme nga elementë ekstremistë, kanë çuar në sulme pa dallim ndaj objektivave civilë, si dhe ushtarakë dhe policorë”, theksoi Departamenti i Shtetit i SHBA në një këshillë udhëtimi të botuar në qershor 2023, duke i dhënë vendit vlerësimin “Niveli 3”, që i paralajmëron vizitorët të rimendojnë udhëtimin atje.
Yangon i Mianmarit u rendit në vendin e tretë, nga qytetet më të pasigurta në botë për udhëtarët, i ndjekur nga Lagos i Nigerisë, Manila në Filipine dhe Dhaka në Bangladesh.
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë