Vëllezërit Fida: Në cilat kantone të Zvicrës patundshmëritë kushtojnë më shtrenjtë?

Meffi & Tim: “Edhe pse ky vit ka rezultuar të ketë ulje-ngritje financiare për shkak të rrethanave aktuale të normave të interesit, ju mund të keni mundësinë të bëni një fitim të mirë, duke shitur ose dhënë me qira një pronë investuese”

Patundshmëritë hyjnë ndër temat që vazhdimisht janë fokus të bashkatdhetarëve tanë në Zvicër. Lidhur me to, kushtet e blerjes, dallimet në çmime në mes të kantoneve dhe regjioneve, mënyrën e ndërtimit të çmimeve etj., albinfo.ch ka zhvilluar një intervistë me drejtuesit e kompanisë së patundshmërive, Emperio, gjegjësisht me pronarët e saj Meffi dhe Tim.

Albinfo.ch: Na tregoni, në cilat kantone të Zvicrës patundshmëritë kushtojnë më shtrenjtë dhe në cilat ato janë më të lira?

Meffi & Tim: Çmimet më të shtrenjta ose më të lira të pasurive të paluajtshme midis kantoneve ndryshojnë gjithmonë, por aktualisht janë kantonet, si Cyrihu, Gjeneva ose Zug që kanë çmimet më të shtrenjta të pasurive të paluajtshme, ndërsa kantonet si: Jura, Glarus ose Graubünden, kanë çmimet më të lira.

Albinfo.ch: Cilat janë arsyet që e bëjnë një patundshmëri më të shtrenjtë në një kanton, gjegjësisht ato që e bëjnë atë më të lirë?

Meffi & Tim: Cyrihu, për shembull, është një nga kantonet më të shtrenjta në Zvicër. Sigurisht, kjo vlen edhe për çmimet e pasurive të paluajtshme. Veç tjerash, Cyrihu ka një rrjet të mirë transporti publik, që do të thotë se qendrat kryesore mund të arrihen shpejt edhe nga aglomeracionet (periferitë). Faktorët më të rëndësishëm në zhvillimin e çmimeve të pasurive të paluajtshme gjatë pandemisë ishin, për shembull, lidhjet e transportit (afër aeroportit, trenit, tramvajit, veçanërisht lidhjet e mira publike, etj.) si dhe atraktiviteti dhe qetësia piktoreske e vendit të vendbanimi. Afërsia me lidhjet me autostrada dhe mundësitë e punësimit gjithashtu luajnë një rol të madh në ndërtimin e çmimeve.

Albinfo.ch: A dallojnë shumë çmimet mes kantoneve?

Meffi & Tim: Ka dallime të mëdha midis kantoneve. Në kantonet si Cyrihu, Gjeneva dhe Zug-u, çmimet për m2 janë katër herë më të larta se në kantonet si Jura, Glarus apo Graubünden.

Çmimi mesatar për një shtëpi të vjetër njëfamiljare me 450 m2 në kantonin e Cyrihut është aktualisht 1.4 CHF/1.5 milionë. Dhjetë vjet më parë ju mund të merrnit një shtëpi të kësaj madhësie për 770,000 CHF. Kjo nënkupton një rritje të çmimit prej 56%.

Albinfo.ch: Cilat vende janë momentalisht destinacionet kryesore për të investuar në patundshmëri në Zvicër?

Meffi & Tim: Banimi i përballueshëm është i rrallë. Por ai ende ekziston, edhe pse çmimet e shtëpive janë dyfishuar që nga viti 2000. Në ambientin aktual të tregut pasuritë e paluajtshme të lira zakonisht disponohen vetëm në rajonet periferike. P.sh. në Glarner Unterland, në Oberaargau ose zona të caktuara të Mittelland.

Albinfo.ch: Cilat janë llojet e patundshmërive që momentalisht janë më të preferuarat në Zvicër?

Meffi & Tim: Nëse keni menduar ndonjëherë për të investuar në pasuri të paluajtshme, koha e tashme mund të jetë koha e duhur. Edhe pse ky vit ka rezultuar të ketë ulje-ngritje financiare për shkak të rrethanave aktuale të normave të interesit, ju mund të keni mundësinë të bëni një fitim të mirë, duke shitur ose dhënë me qira një pronë investuese. Është një gjë të dini se prona rezidenciale mund të jetë një investim i zgjuar; Por është një gjë tjetër të dini se cilat shtëpi bëjnë fitimet më të mëdha kur vjen koha për t’i shitur ato.

Albinfo.ch: Çfarë duhet pasur parasysh para se të bëni zgjedhjen e vendit ku dëshironi të investoni në Zvicër?

Meffi & Tim: Investimi në pasuri të paluajtshme kërkon një hulumtim të plotë. Për ta bërë këtë më të lehtë për ju, ju inkurajojmë të na kontaktoni në mënyrë që t’ju ndihmojmë të investoni në vendin e duhur.

---