Lajme
Vdes zëvendëskancelari i Zvicrës, André Simonazzi
Në nëntor 2008, Simonazzi u emërua Zëvendës Kancelar dhe zëdhënës i Këshillit Federal, detyrë që e ushtroi deri në fund të jetës së tij
![](https://www.albinfo.ch/wp-content/uploads/2024/05/simonazzi-587x396.jpg)
Zëdhënësi i Këshillit Federal dhe Zëvendës Kancelari André Simonazzi ka vdekur. Kjo bëhet e ditur nga Kancelaria Federale. Banori i kantonit Valis u rrëzua dhe vdiq të premten “në një nga shëtitjet e tij të zakonshme”.
André Simonazzi ishte 55 vjeç. Ai la pas gruan dhe tre fëmijë të rritur.
“André Simonazzi ishte një nëpunës publik në kuptimin më të mirë të fjalës”, thuhet në deklaratën e Kancelarisë Federale, transmeton albinfo.ch. “Ai e shihte komunikimin qeveritar si një shërbim për publikun dhe qeverinë. “Ai dëshironte ta përdorte atë për të krijuar kushtet më të mira të mundshme për Këshillin Federal dhe punën e tij”, kështu njihet puna e Simonazzit.
Mbi 15 vjet në detyrë si zëdhënës i Këshillit Federal
Simonazzi, i cili vjen nga qyteti Monthey i Kantonit Valis, ka diplomuar për marrëdhënie ndërkombëtare në Universitetin e Gjenevës. Më pas është trajnuar si gazetar në gazetën “Nouvelliste”. Nga viti 1995 deri në vitin 1998 ai punoi për Caritasin e Zvicrës si zëdhënës për Zvicrën frëngjishtfolëse, shkruan srf.ch. Në vitin 1998 ai mori përsipër gjithë Departamentin e informacionit.
Në vitin 2004 iImonazzi iu bashkua shërbimit informativ të Departamentit Federal të Mjedisit, Transportit, Energjisë dhe Komunikimeve (Uvek). Fillimisht ai ishte zëvendës shef i informacionit dhe zëdhënës për Zvicrën frëngjishtfolëse. Në vitin 2005, Simonazzi u bë shef i informacionit në departamentin e këshilltarit federal të atëhershëm nga PS, Moritz Leuenberger.
Në nëntor 2008, Simonazzi u emërua Zëvendës Kancelar dhe zëdhënës i Këshillit Federal. Që nga 1 janari 2009 ai kishte marrë pjesë në mbledhjet e qeverisë, kishte mbajtur procesverbale dhe kishte drejtuar disa seksione në Kancelarinë Federale si dhe shërbimin presidencial.
Simonazzi shërbeu gjithashtu si shef i komunikimeve për Këshillin Federal.
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë