Lajme
Vdes në rrethana të pasqaruara aktivisti i VV, Astrit Dehari
"Astriti u shua tepër herët. Ai ishte në përfundim të studimeve për mjekësi në Universitetin e Prishtinës. Me jetën dhe përkushtimin e tij ndaj çështjes shqiptare, ndaj popullit tonë", thuhet veç tjerash në njoftimin e Lëvizjes Vetëvendosje
![](https://www.albinfo.ch/wp-content/uploads/2016/11/astrut-dehari-ok-570x396.jpg)
Lëvizja Vetëvendosje ka konfirmuar se aktivisti i saj i njohur, Astrit Dehari ka humbur jetën sot në moshën 26 vjeçare. Po ashtu edhe Shërbimi Korrektues i Kosovës, ka njoftuar opinionin se sot, më 5.11.2016, në rrethana ende të pasqaruara, i paraburgosuri A.D., ka ndërruar jetë në Spitalin Rajonal të Prizrenit.
Astriti është i biri i veprimtarit të njohur Avni Dehari, nga Sllupçani i Kumanovës, i cili së bashku me familjen ka jetuar për një kohë të gjatë si emigrant politik në Zvicër. Pas çlirimit të Kosovës, profesori Dehari me familjen ishte kthyer për të jetuar në Prishtinë. I biri, Astriti qe angazhuar për Lëvizjen Vetëvendosje dhe kohë më parë qe burgosur së bashku me një grup aktivistësh tjerë.
Shërbimi Korrektues i Kosovës, shpreh keqardhje të thellë për rastin tragjik të ndodhur sot në Qendrën e Paraburgimit në Prizren.
Shërbimi Korrektues i Kosovës, në bashkëpunim me institucionet tjera përgjegjëse, së shpejti do të japin raport për rrethanat dhe detajet e këtij akti tragjik.
I pandehuri A.D. ishte në paraburgim për shkak të dyshimit të bazuar se ka kryer veprën penale nga neni 136, par. 1, lidhur me nenin 135, par. 1, nënpar. 1.7 të KPRK-së dhe dyshim i bazuar për veprën penale neni 374 par. 1 të KPRK, thuhet në njoftimin e SHKK.
Ndërsa Lëvizja VV bën të ditur se Dehari ishte student i mjekësisë në Universitetin e Prishtinës dhe ishte i përkushtuar për çështjen shqiptare. Në njoftimin e publikuar nga Lëvizja Vetëvendosje veç tjerash thuhet: «Shoku ynë, aktivisti shembullor, Astrit Dehari, nuk është më mes nesh. Ai ka humbur sot jetën tragjikisht në moshën 26 vjeçare. Të gjithë ne e kemi gati të pamundur ta besojmë vdekjen e tij që na ka tronditur e na ka pikëlluar thellë në shpirt. Në këto momente tejet të rënda, Lëvizja VETËVENDOSJE! gjendet pranë familjarëve dhe miqve të ngushtë të Astritit, gjendemi sot pranë njëri-tjetrit ne që e kishim atë shok dhe vëlla, ne që do ta kujtojmë atë përherë me dashuri.
Astriti u shua tepër herët. Ai ishte në përfundim të studimeve për mjekësi në Universitetin e Prishtinës. Me jetën dhe përkushtimin e tij ndaj çështjes shqiptare, ndaj popullit tonë, ndaj studimeve, ndaj shokëve dhe shoqeve, dhe ndaj familjes së tij, Astriti na ka dhënë të gjithëve forcë dhe frymëzim».
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë