Vatikani miraton vendimin për bekimin e çifteve të së njëjtës gjini

Vatikani ka miratuar sot vendimin, sipas të cilit priftërinjtë katolikë do të mund të bekojnë çiftet e të njëjtës gjini për aq kohë sa ata nuk janë pjesë e ritualeve ose liturgjive të rregullta të kishës, përcjell albinfo.ch.

Sipas raportimeve nga Reuters, një dokument nga zyra doktrinarë e Vatikanit thotë se bekime të tilla nuk do të legjitimonin situata të parregullta, por do të ishin shenjë që Zoti i mirëpret të gjithë.

Vendimi i miratuar nga Papa Françesku thotë se priftërinjtë duhet të vendosin rast pas rasti dhe nuk duhet të ndalojnë afërsinë e Kishës me njerëzit në çdo situatë në të cilën ata mund të kërkojnë ndihmën e Zotit nëpërmjet një bekimi të thjeshtë.

Seksioni prej 11 faqesh titullohet “Bekimet e çifteve në situata të parregullta dhe të çifteve të të njëjtit seks”.