Futboll
UEFA gjobit Shqipërinë
FSHF fton tifozët dhe futbolldashësit të mbështesin Kombëtaren shqiptare në këtë rrugëtim magjik dhe historik në EURO 2024, duke treguar qytetari dhe përgjegjshmëri përmes një sjellje korrekte e duke respektuar rregullat dhe kundërshtarët
Komisioni i Etikës dhe Disiplinës në UEFA ka vendosur të gjobisë Federatën Shqiptare të Futbollit me shumën 37,375 euro për shkak të incidenteve të ndodhura gjatë ndeshjes së raundit të parë në finalet e Kampionatit Evropian “Gjermani 2024” ndaj Italisë, e luajtur në stadiumin e Dortmundit më 15 qershor 2024.
Penalizimi financiar ka ardhur nga problematika e shkaktuar nga disa tifozë shqiptarë, të cilët ndezën flakadanë gjatë ndeshjes, hodhën sende në fushë, transmetuan mesazhe të papërshtatshme në këtë ngjarje të madhe sportive për ekipin tonë kombëtar si edhe për ndërprerjen e ndeshjes nga një tifoz gjatë pjesës së dytë të lojës, shkruan FSHF, transmeton albinfo.ch.
Federata e Futbollit gjen rastin t’u bëjë apel të gjithë tifozëve shqiptarë që të jenë më të përgjegjshëm dhe të shmangin krijimin e këtyre incidenteve dhe trazirave totalisht të evitueshme, që mund të sjellin penalitete financiare dhe dëmtojnë imazhin e Shqipërisë dhe futbollit shqiptar. Gjithashtu, FSHF bën me dije tifozët shqiptarë se gjatë ndeshjeve nuk lejohen mesazhet me natyrë jo sportive (politike, etnike, etj).
FSHF fton tifozët dhe futbolldashësit të mbështesin Kombëtaren shqiptare në këtë rrugëtim magjik dhe historik në EURO 2024, duke treguar qytetari dhe përgjegjshmëri përmes një sjellje korrekte e duke respektuar rregullat dhe kundërshtarët.
Vendimet e plota të Komisionit të Etikës dhe Disiplinës në UEFA:
Të gjobisë Federatën Shqiptare të Futbollit me 10.000 euro për ndezjen e fishekzjarreve.
Të gjobisë Federatën Shqiptare të Futbollit me 12,375 euro për hedhjen e sendeve.
Të gjobisë Federatën Shqiptare të Futbollit me 5000 euro për pushtimin e fushës.
Të gjobisë Federatën Shqiptare të Futbollit me 10.000 euro për transmetim e mesazheve të papërshtatshme për një ngjarje sportive.
Gjobat e mësipërme në vlerë të përgjithshme prej 37,375€ duhet të derdhen në llogarinë bankare te UEFA-s brenda 90 ditëve nga komunikimi i këtij vendimi.
E-Diaspora
-
SHH “Medvegja” në Zvicër bashkon shqiptarët Fully, Valis, 22-23 qershor: Fare ose pak po pëmendet ajo tokë shqiptare, Medvegja e Idriz Ajetit,...
-
Nxënësit e Diasporës vijojnë programin e tyre duke vizituar vendet turistike të Shqipërisë
-
Për pesë muaj, 513 milionë euro remitenca nga diaspora
-
Fletushka raciste në Alba Festival: “Shqiptarë, kthehuni në shtëpinë tuaj”
-
Avdulla Mazreku, talenti i ri i futbollit në Zvicër
Jeta në Zvicër
-
Gabim teknik në SBB: Pasagjerët mund të udhëtojnë përkohësisht falas SBB rekomandon që klientët e saj të informohen me kohë për gjendjen, pasi ky shërbim falas...
-
Gjenevë: Dënohet një familje e pasur me burg
-
Gjenevë: Paralajmërim për kollën e mirë
-
Kriza e strehimit prek veçanërisht njerëzit me të ardhura të ulëta
-
Raporti i sigurisë: Rrezik nga ekstremistët e të gjitha shtresave në Zvicër