Lajme
Top 10 vendet më të mira për një pension të rehatshëm: Zvicra, e para
Ndër avantazhet më të mëdha të Zvicrës për pensionistët janë sistemi i kujdesit shëndetësor dhe taksat e ulëta, megjithatë ajo është gjithashtu një nga vendet më të shtrenjta
Një raport i fundit i “US News and World” renditi vendet më të mira për një pension të rehatshëm bazuar në një anketë ndërkombëtare me afërsisht 17,000 njerëz dhe një nëngrup prej 5,900 të anketuarve në mesin e të 40-tave e lart.
89 vendet u renditën bazuar në shtatë atributet e mëposhtme, si çmimet e përballueshme, mjedis i favorshëm tatimor, një vend miqësor, klimë e këndshme, respekt për të drejtat e pronës dhe sistemi i shëndetit publik i zhvilluar.
Shtetet e Bashkuara nuk u renditën në 10 vendet më të mira, por në vendin e 30-të, pas shteteve si Meksika, Malajzia dhe Republika Domenikane, shkruan Scan, transmeton albinfo.ch.
Për të dytin vit radhazi, Zvicra u zgjodh vendi më i mirë për një pension të rehatshëm. Ajo u rendit e dyta në vendet “miqësore ndaj biznesit” dhe e treta për cilësinë e jetës.
Ndër avantazhet më të mëdha të Zvicrës për pensionistët janë sistemi i kujdesit shëndetësor dhe taksat e ulëta, megjithatë ajo është gjithashtu një nga vendet më të shtrenjta. Kostoja e jetesës në Zvicër është mesatarisht 60.5% më e lartë se në Shtetet e Bashkuara dhe qiraja është mesatarisht 18.2% më e lartë.
Vendi evropian ofron një vizë të tipit D për qëndrim afatgjatë dhe një pensionist do të ketë nevojë për mbi 3,500 dollarë në muaj për të jetuar rehat. Në qytetet më të mëdha, një çift në pension paguan 4000 dollarë në muaj për qiranë, shërbimet komunale, ushqimin dhe kujdesin shëndetësor.
Zvicra është një nga vendet më të pasura në botë. Vendi nuk ka një gjuhë zyrtare, por pjesa më e madhe e njerëzve flasin gjuhët gjermanisht, frëngjisht dhe italisht. Ajo ka vazhduar të qëndrojë neutrale në konfliktet në mbarë botën dhe nuk është anëtare e Bashkimit Evropian.
Zelanda e Re është vendi i dytë më i mirë për të jetuar një pension të rehatshëm, duke u ngjitur dy pozicione nga renditja e vitit të kaluar. Vendi ka një vizë të përkohshme të daljes në pension për ata 66 vjeç e lart.
Për të përfituar nga kjo vizë dyvjeçare, pjesëmarrësit do të duhet të kenë mbi 460,000 dollarë amerikanë për të investuar në Zelandën e Re. Përveç kësaj, mbajtësit e vizave duhet të kenë një shtesë prej mbi 300,000 dollarësh për të jetuar dhe të ardhura vjetore prej 36,824 dollarësh.
Viza e daljes në pension në Zelandën e Re nuk e lejon një person të punojë në vend, por ekziston një mundësi për aplikantët e interesuar për të gjetur një punë.
Kostoja e jetesës në Zelandën e Re është mesatarisht 5.5% më e ulët se në Shtetet e Bashkuara, ndërsa qiraja është mesatarisht 36.2% më e ulët, sipas Numbeo. Banorët marrin kujdes shëndetësor të subvencionuar ose falas.
10 vendet më të mira për një pension të rehatshëm
Zvicra
Zelanda e Re
Portugalia
Australia
Spanja
Kanadaja
Danimarka
Holanda
Suedia
Luksemburgu
E-Diaspora
-
Sylë Mujaj, ekspozitë në Paradiso (Lugano): Arti që kalon kufijtë kombëtarë Pjesëmarrësit, duke përfshirë autoritetet e Kosovës dhe Zvicrës, vlerësuan nivelin e lartë të ekspozitës dhe rëndësinë...
-
Libri mbi Luftën e Kosovës, në Panairin e Librit në Frankfurt 2024
-
Shoqata “Sytë Kërkojnë Dritë” organizoi mbrëmje humanitare për Festivalin e Aftësisë së Kufizuar
-
Shqiptarja, gjyqtarja kryesore në ndeshjen e femrave mes Sporting CP-Real Madrid në UEFA
-
Në Offenbach, hapet shkolla e dytë për mësim plotësues në gjuhën shqipe
Jeta në Zvicër
-
Gjithçka që ndryshon në Zvicër gjatë tetorit Ligji i ri për vendbanimet dytësore dhe primet më të larta të sigurimit shëndetësor janë ndër...
-
Zvicër: Rriten kërkesa për shtëpi për një familje
-
Protesta simbolike e mjekëve të Gjenevës, pse ndodhi
-
Për herë të parë, Zvicra ka zyrtarisht nëntë milionë banorë
-
Leja e zgjatur prindërore në Gjenevës është pezulluar nga Parlamenti