Lajme
Tina Abdulla ftohet nga përfaqësuesja më e mirë e hendbollit në botë
Një lojtare me prejardhje shqiptare pritet të luajë për Norvegjinë

Më 15 dhjetor Norvegjia e fitoi titullin e kampionit të Evropës në hendboll. Hendbollistet e Norvegjisë në finalen e zhvilluar në Vjenë fituan bindshëm 31:23 ndaj Danimarkës.
Norvegjia ka fituar tre titujt e fundit të Evropës, ndërsa ka fituar dhjetë prej 16 kampionateve kontinentale të zhvilluara deri më tani. Norvegjia është po ashtu kampione olimpike në fuqi.
Rrjedhimisht është përfaqësuesja më e mirë në botë në hendboll.
Dhe për përfaqësuesen më të mirë në botë do të paraqitet edhe një hendbolliste me prejardhje shqiptare. Bëhet fjalë për lojtaren e krahut, Tina Abdulla.
27-vjeçarja luan për skuadrën elitare të Norvegjisë, Storhamar. Për Norvegjinë ka luajtur një ndeshje, më 22 korrik të vitit 2023, dhe tani është ftuar sërish. Pritet të luajë edhe ndeshje të tjera.
“Jam e lindur në Shkup dhe kam jetuar atje deri në moshën trevjeçare. Më pas jemi vendosur në Norvegji. Familja ime është nga Maqedonia e Veriut, por është shqiptare”, ka thënë Abdulla më herët për KOHËN.
Abdulla më herët ka luajtur për Norvegjinë U19. Karrierë ka bërë te Vikingu e Tertnesi në Norvegji, kurse prej vitit 2020 deri në vitin 2022 ishte te Borussia Dortmundi në Gjermani. Prej atëherë është te skuadra Storhamar, që luan në Ligën e Kampionëve dhe fitoi Kupën e Norvegjisë në fund të dhjetorit.
Edicionin e ardhshëm do të paraqitet për Odensen në Danimarkë.
Selektori i ri i Norvegjisë, Ole Gustav Gjekstad, ka liruar nga grumbullimi i marsit shumicën e lojtareve që kanë fituar medaljen e artë në Evropian. Ai ka ftuar kryesisht lojtare që kanë luajtur pak për Norvegjinë në të kaluarën dhe po ashtu tri debutuese.
“Skuadra përfshin shumë lojtare që nuk kanë shumë përvojë në ekipin nacional, por që janë paraqitur mirë për klubet e tyre në këtë edicion”, ka thënë Gjekstad.
Prej 3 deri më 10 mars përfaqësuesja e Norvegjisë mblidhet në Holandë. Norvegjia luan me Danimarkën, Poloninë dhe Holandën në kuadër të një turneu ndërkombëtar.
Norvegjezet kanë edhe tri medalje të arta olimpike dhe katër medalje të arta botërore.
E-Diaspora
-
Leonard Ferati reagon ndaj debatit për votimin komunitar: “Është demokraci lokale, jo sistem i organizuar” Ndërsa në komunat Vernier dhe Meyrin janë vërejtur disa anomali statistikore që kanë nxitur sërish debatin...
-
Çka duhet të dini para se të bleni një shtëpi në Zvicër?
-
Shkel linjën e sigurisë dhe nget makinën me patentë kosovare: Gjobitet kosovarja
-
Itali: Studentët nga universiteti “La Sapienza” bëjnë homazhe për shqiptaren e vrarë
-
Forbes rendit Mihane Sadikun si sipërmarrëse profesioniste
Jeta në Zvicër
-
Çfarë rekomandon qeveria zvicerane që të hani për të qenë të shëndetshëm? Ekziston një lidhje e provuar midis dietës së dobët dhe shëndetit të keq, dhe autoritetet zvicerane...
-
Kantonet frëngjisht-folëse, kampione në mbledhjen e nënshkrimeve për iniciativat popullore
-
Teleferikët zviceran përjetuan sezon të suksesshëm dimëror
-
Zvicra formon task forcë kundër kriminelëve të huaj
-
Sa do të kushtojnë tarifat tregtare të SHBA-së ndaj Zvicrës për çdo familje?