Lajme
Të prekurit me virusin HIV, injorohen në Kosovë
Aktualisht në Kosovë janë 33 pacientë të prekur nga virusi HIV. Mosha më e re e të prekurve me HIV është 22 vjeç, derisa mosha më e vjetër është 69 vjeç
![](https://www.albinfo.ch/wp-content/uploads/files/sitemgr_HIV-AIDS_6.jpg)
Kosova klasifikohet si vend me shkallë të ulët të epidemisë HIV, por me potencial të rritjes. Aktualisht në mbikëqyrje mjekësore në Klinikën Infektive të Qendrën Klinike Universitare të Kosovës në Prishtinë janë 33 pacientë të prekur nga virusi HIV apo siç njihet në zhargonin lokal me sëmundjen e SIDA-s.
Mosha më e re e të prekurve me HIV në Kosovë është 22 vjeç, derisa mosha më e vjetër është 69 vjeç, raporton “Zëri”.
Por, shumica e këtyre pacientëve që janë prekur nga ky virus, janë të nëpërkëmbur nga shoqëria dhe familja. Shpesh ata paragjykohen dhe stigmatizohen edhe nga mjekët, të cilët duhet t’i kontrollojnë dhe t’u japin ndihmën mjekësore, thuhet në artikull.
“Është dashur ta përqafojë pacientin e infektuar me virusin HIV në mënyrë që familjarët e të sëmurit ta kuptojnë se sëmundja nuk bartet duke përqafuar pacientin e sëmurë apo edhe duke qëndruar dhe duke ngrënë në një tryezë me të”, ka rrëfyer doktorit Murat Mehmeti, shef i Repartit A të Klinikës Infektive në QKUK.
Ai ka thënë se shpesh ka raste që pas konfirmimit të sëmundjes, pacienti me vështirësi pranohet nga familjarët e tyre.
Virusi HIV shkakton AIDS-in duke prekur imunitetin e njeriut dhe duke dëmtuar sistemin mbrojtës të organizmit. Nga dëmtimi i sistemit mbrojtës organizmi nuk është më në gjendje t’i luftojë sëmundjet, duke çuar kështu në degradimin e tij.
Specialistët shpjegojnë se virusi vdekjeprurës HIV mund të transmetohet nëpërmjet shkëmbimit të çdo lëngu trupor të njeriut, gjak, spermë, sekrecione vaginale apo edhe qumësht gjiri. Por, nuk transmetohet me prekje dhe nëse qëndron me personin që ka virusin HIV.
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë