Të jetosh dhe të japësh mësim profesional një vit në Shqipëri

Kërkohen mësues ose drejtues shkollorë me përvojë, të cilët do të punonin një vjet në një shkollë profesionale duke filluar nga vera e këtij viti

Në kuadrin e iniciativës “Skills for Albania, teach and live in Albania”, (Kompetencat për Shqipërinë, mëso dhe jeto në Shqipëri) shteti Shqiptar synon të bëjë reformimin e arsimit profesional duke u bazuar në eksperiencën zvicerane. Njëkohësisht ai synon që përmes kësaj eksperience të luftojë papunësinë e të rinjve.

Për të realizuar këtë, kërkohen mësues ose drejtues shkollorë me përvojë, të cilët do të punonin një vjet në një shkollë profesionale duke filluar nga vera e këtij viti.

Në vazhdim, teksti i Konkursit për profilet që i nevojiten shkollës profesionale shqiptare, kushtet që duhet plotësuar për konkurrim si dhe oferta e shtetit shqiptar:

Jeni mësues me përvojë, administrator shkolle ose trajnues profesional? Jeni në kërkim të një mundësie për të bërë ndryshim në jetën e të rinjve dhe për të riorganizuar të ardhmen e një kombi të tërë? A dëshironi të jetoni dhe të punoni në njërin nga vendet e ruajtura në mënyrën më sekrete në Evropë? Nëse dëshironi të jeni pjesë e një iniciative interesante të tipit të forcave paqësore që synon të ndihmojë të rinjtë për tu përgatitur më mirë për tregun e punës dhe të luftojë njërën ndër sëmundjet më të renda të shoqërisë moderne, atëherë kjo është mundësia që ju ofrohet.

Duke njohur nevojat dhe rolin strategjik të trajnimit profesional dhe të edukimit kundër papunësisë, Ministria Shqiptare e Mirëqenies Sociale dhe e Rinisë, ka kënaqësinë të shpallë nismën: “Kompetencat për Shqipërinë”. Kjo iniciativë synon të rekrutojë administratorë të nivelit të lartë dhe mësues me përvojë disavjeçare në formimin profesional dhe/ose përvoja tjera arsimore në gjithë botën.

Kush jemi ne?

Shkollimi profesional në Shqipëri aktualisht është opsioni më i mirë për të luftuar papunësinë e të rinjve. Për herë të parë shkollat tona profesionale po aplikojnë për sistemin dual (të dyfishtë) i cili konsiston në së paku 30 për qind të pjesës praktike, si plotësim për mësimet teorike ashtu si dhe integrimin dhe funksionimin e bordeve të shkollave administrative.

Falë fushatës së gjerë të ndërmarrë gjatë vitit që shkoi, numri i kandidatëve është shtuar për 40 për qind krahasuar me atë të kasës së diplomuar në vitin 2014. Sot, shkollat tona shërbejnë më shumë se 6000 studentë të cilëve u ofron 44 profesione të ndryshme. Guidën e kompletuar të shkollave tona, lokacioneve ku gjenden ato dhe profileve si dhe të dhënave plotësuese e gjeni në www.vet.al.

Çfarë po kërkojmë ne?

Kandidatët e suksesshëm duhet të plotësojnë kriteret në vazhdim:

10 e më shumë vjet përvojë në sistemet e arsimit profesional ose fushat tjera të arsimit si administratorë, inspektorë ose arsimtarë.Licencë ose përvojë e dokumentuar në fushë të arsimit ose aftësimit në njërën ose disa nga fushat në vijim: teknologji automobilistike, makineri industriale, mekanikë, elektronikë, teknologji informimi dhe komunikimi, izolim, hidraulikë, ekonomi dhe fusha të afërta me këto.

Të jenë të licencuar në pajtim me kriteret që vlejnë në vendin ku është dokumentuar përvoja e tyre.

Të kenë vullnet për të jetuar pranë komunitetit ku janë shkollat dhe të punojnë së paku një vit akademik, me fillim në shtator të vitit 2015-02-16.

Disa njohuri elementare rreth Shqipërisë dhe/ose njohuri nga përvojat e mëhershme të jetës ose punës në Shqipëri janë të dëshirueshme por jo të domosdoshme.

Të kenë vullnetin për t`iu nënshtruar provimeve për kualifikim në pajtim me kuadrin e funksionimit të arsimit profesional në Shqipëri.

Çfarë ofrojmë ne

Një eksperiencë unike jetësore ashtu si dhe akomodimin elementar, biletë udhëtimi si dhe kompensimin sipas nivelit vendor.

Si të aplikohet

Kandidatët e interesuar duhet të kompletojnë formularët e paraparë për aplikim dhe kur tu kërkohet të aplikojnë, ata ta dërgojnë kopjen e shkrimit të tyre elektronike ose me email në Skills@sociale.gov.al jo më vonë se më 31.03.2015.

 

---