Shkurt.ch

Të gjitha pagesat i bëjnë me monedhat nga një euro

Në makinat që shkatërrohen për riciklim punëtorët gjithmonë gjejnë monedha prej një euroje

E hënë, 14 Tetor 2013 - 11:37 albinfo.ch
Kur dy turistët kinezë ranë në sy se të gjitha pagesa, përfshirë edhe hoteli që kushtonte 70 euro nata, i bënin me monedha një euro, ata u bënë të dyshimtë dhe u lajmërua policia.

Pas kontrollit në hotelin ku ata po qëndronin, në Bagnolet afër Parisit, në Francë, policët gjejnë 3700 euro, që të gjitha në monedha prej një eurosh.

Dyshimi i parë ishte se paratë mund të ishin të falsifikuara dhe për këtë dy kinezët u arrestuan. Por, pasi bëhet kontrollimi i tyre del se çdo gjë ishte në rregull dhe se kinezët i mbanin ato monedha në mënyrë krejtësisht legale.

Mendohet se eurot në monedha ata i kanë nga vendet ku bëhet riciklimi i automobilave evropianë në Kinë. Në makinat që shkatërrohen për riciklim punëtorët gjithmonë gjejnë monedha prej një euroje.

 Të tjera nga Shkurt.ch

Uji i rubinetit nuk është plotësisht transparent në Zvicrën frëngjishtfolëse 

 E-Diaspora

 Jeta në Zvicër