Të enjten Superkupa mes fituesit të Kupës së Kosovës dhe Diasporës

Nën organizimin e Federatës së Futbollit të Kosovës të enjten në stadiumin “Fadil Vokrri” në Prishtinë do të organizohet Superkupa mes fituesit të Kupës së Kosovës dhe diasporës, shkruan albinfo.ch.

Në duelin që do të zhvillohet të enjten nga ora 13:00 në Prishtinë do të takohen FC Prishtina dhe AKV Bardhosh Gërvalla Ludwigsburg e Gjermanisë. Kjo e fundit ka fituar Kupën në Gjermani dhe në diasporë.

Hyrja do të jetë pa pagesë. Ndeshja ndërmjet fituesit së Kosovës dhe asaj të diasporës, tashmë është tradicionale.

Rezultati i kësaj ndeshje është në plan të dytë, pasi është më shumë një përballje vëllazërore.