Kosova
Synimi i Britanisë: Kosova të njihet nga të gjitha shtetet
![](https://www.albinfo.ch/wp-content/uploads/2024/05/12123-587x311.jpeg)
Ambasadori i Mbretërisë së Bashkuar në Kosovë, Jonathan Hargreaves, ka thënë se synimi përfundimtar i Britanisë së Madhe në dialogun Kosovë – Serbi është që Kosova të njihet prej të gjitha shteteve si shtet i pavarur dhe sovran.
“Hapi i parë është normalizimi në mënyra të ndryshme, ku ka pasur njëfarë progresi. Dhe mendoj që mund t’i marrim gjërat më të vogla si fillim dhe ta ndryshojmë natyrën e këtij raporti me shpresën se do ta përmirësojmë me kalimin e kohës dhe sigurisht, duke u siguruar që t’i shmangim veprimet apo masat të cilat shkojnë në drejtim të kundërt me këtë dhe që i bëjnë gjërat edhe më të vështira në kuptimin e normalizimit. Mendoj që kjo mund ta krijojë një momentum drejt synimit përfundimtar që është, siç e dini ju e edhe shikuesit tuaj, për Mbretërinë e Bashkuar është Kosova të njihet prej të gjitha shteteve si shtet i pavarur dhe sovran”, ka thënë ai në “Interaktiv” të KTV-së të martën, kur është pyetur se a mund të ketë normalizim raportesh pa njohje të ndërsjellë.
Duke folur për procesin e dialogut, Hargreaves ka thënë se Mbretëria e Bashkuar do të jetë përkrahëse e dialogut të lehtësuar nga Bashkimi Evropian. Ai ka thënë se dialogu është e vetmja rrugë përmes së cilës mund të shënohet përparim drejt normalizimit.
Hargreaves ka thënë se Britania është e interesuar të shohë zbatimin e marrëveshjeve.
“Sigurisht, pikëpamja jonë është që është shumë në interes të Kosovës, por edhe në interes të Serbisë për të bërë përparim në këtë dhe të mbahen ato zotime që Kosova i ka bërë përgjatë viteve, sepse ky është çelësi”, ka thënë ai.
Hargreaves ka thënë se e ardhmja në BE dhe NATO do të mesin larg derisa të mos ketë përparim të shpejtë në dialog.
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë