Kosova
Sveçla pret në takim Sekretarin e Ministrisë së Brendshme të Gjermanisë, diskutojnë për sigurinë në veri
![](https://www.albinfo.ch/wp-content/uploads/2024/07/img_8983-587x391.jpg)
Ministri i Punëve të Brendshme i Kosovës, Xhelal Sveçla, priti sot në takim Sekretarin e Ministrisë së Brendshme Federale të Gjermanisë, Bernd Krosser, i cili ishte i shoqëruar nga Ambasadori i Gjermanisë në Kosovë, Jorn Rohde dhe ekipi i tij.
Ministri Sveçla i uroi mirëseardhje në Ministrinë e Brendshme Sekretarit Krosser dhe me këtë rast shprehu mirënjohjen për mbështetjen e vazhdueshme të Gjermanisë për institucionet e Republikës së Kosovës.
Para delegacionit Sveçla prezantoi të arriturat në fushën e sigurisë, veçanërisht në luftën ndaj krimit të organizuar, kontrabandës, migrimit të parregullt dhe çdo ilegaliteti tjetër. Ai theksoi se këto të arritura janë edhe falë mbështetjes së partnerëve tanë, të cilët kanë kontribuar në ngritjen dhe forcimin e institucioneve të sigurisë.
Sveçla diskutoi edhe për sigurinë e përgjithshme në Kosovë, veçanërisht në komunat veriore. Me këtë rast ai shprehu shqetësimin për mosdorëzimin para drejtësisë të terroristëve që realizuan sulmin terrorist në Banjskë dhe strehimin që po ua bën Serbia, si një kërcënim i vazhdueshëm për sigurinë e Republikës së Kosovës.
Sekretari Krosser falënderoi ministrin për pritjen dhe përgëzoi për të arriturat. Ai po ashtu diskutoi edhe për Procesin e Berlinit, ku Republika e Kosovës mbetet palë aktive e këtij procesi. U diskutua po ashtu edhe Ministeriali i radhës i Ministrave të Brendshëm në kuadër të Procesit të Berlinit.
Të dyja palët u dakorduan për bashkëpunim të mëtejmë, si garancë e sigurisë në rajon, por edhe më gjerë.
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë