Lajme
Surroi i quan “kriminelë” ish-komandantët e UÇK-së
Publicisti Veton Surroi e quan primitiv presidentin Hashim Thaçi. Ai thotë nëse Gjykata Speciale bazohet në të gjeturat e Prokurorit Williamson, presidenti i vendit mund të arrestohet
![](https://www.albinfo.ch/wp-content/uploads/files/Veton-Surroi-faqe-10-587x396.jpg)
Publicisti dhe shkrimtari Veton Surroi, një intervistë që ka dhënë për të përditshmen Koha Ditore, që është edhe gazetë e themeluar nga vetë ai, akuzon disa nga udhëheqësit e UÇK-së për veprimtari kriminale. Ai thotë se udhëheqësit e kësaj lufte janë dëshmuar se kanë bërë krime.
Madje ai përmend luftën në dy fronte, kundër Serbisë që ishte okupatore e Kosovës dhe ndaj disa rivalëve politikë që ishin në partinë pacifiste-LDK-në e ish presidentit Ibrahim Rugova.
Por, i menjëhershëm ka qenë reagimi i njërit nga drejtuesit politik të UÇK-së, dhe tashmë nënkryetarit të Kuvendit të Kosovës, Xhavit Haliti. Ai thotë ato janë mendimet personale të Surroit, ndërsa “shumë gjëra që i ka përmendur vërtet kanë ndodhë, por interpretimi lë vend për t’u diskutuar”.
“Gjitha këto çështje një ditë do të pasqyrohen, të vërtetat e UÇK-së, ngjarjet që kanë ndodhë brenda dhe jashtë saj. Mund të them se akuzat që UÇK-ja ka qenë kriminale, në kuptimin e asaj që paska filluar luftën kundër Serbisë aq edhe kundër LDK-së nuk qëndron, sepse nuk ka pas një orientim të tillë. Por, gabimet mund të jenë bërë dhe në qoftë se janë bërë dy-tri gabime të individëve, do të thosha të papërgjegjshëm kushdo qofshin ata, kjo nuk do të thotë se UÇK-ja ka qenë e tillë”, thotë Haliti.
Ndërsa kryetari i Kuvendit të Kosovës dhe ish shefi i Shërbimit Informativ të Kosovës, Kadri Veseli thotë se ndihet krenarë për luftën e UÇK-së për liri, “por jemi po ashtu shumë të vetëdijshëm se kemi ende shumë punë për të bërë për vendin tonë”.
Ndërkaq ish-politikani dhe tani publicisti Veton Surroi, presidentin Hashim Thaçi e ka quajtur të padijshëm e primitiv dhe ka parashikuar arrestimin e tij nga Gjykata Speciale nëse aktakuza bazohen në të gjeturat e Prokurorit Williamson.
Ai thotë se Thaçi e ka dëmtuar Shtetin e Kosovës, e ka shkatërruar Kosovën dhe ka prishur konsensusin nacional. Sipas tij, po të kishte konsensus të brendshëm, Kosova do të pranohej edhe në OKB. Veç se nuk ka treguar se si do të bëhej ky hap i madh i Shtetit drejt OKB-së marrë parasysh qëndrimin e Rusisë.
Mirëpo, Surroi ka folur fjalë të mira për opozitën e Ramush Haradinajt, Albin Kurtit e Famir Limajt. Ka thënë se opozita ishte mbresëlënëse për luftën që bëri në kundërshtim të Asociacionit e Demarkacionit.
“Dhe mu për këtë del të jetë shumë i nevojshëm konsensusi. Një Kryeministër i padijshëm dhe primitiv si Thaçi mund të nënshkruajë marrëveshje me Serbinë, por konsensusi do ta ruante edhe atë, e më me rëndësi, Kosovën nga pasojat e mosdijes e primitivizmit të tij. Një Kryeministër shpërfillës si Mustafa mund të nënshkruante diçka që konsideron vazhdimësi e Marrëveshjes së Thaçit, por konsensusi do ta ruante edhe atë, e më me rëndësi Kosovën nga pasojat e shpërfilljes”, ka thënë Surroi.
Ai thotë se Thaçi disa herë e ofendoi shumë rëndë Rugovën duke e quajtur kriminel, e shtëpinë e tij shtëpi të krimit, “por Rugova vazhdoi ta përfshinte në “Ekipin e Unitetit” më bindjen se në fund duhet të fitojë konsensusi”.
Surroi ka folur edhe për UÇK-në dhe për dy ish-Komandantët e përgjithshëm të saj, Azem Sylën e Sylejman Selimin si dhe Sami Lushtakun. Ka treguar detaje, që sipas tij, tregojnë kriminalitetin e tyre edhe në kohë lufte.
“Pas një gjykimi të gjatë në burg u dërgua Ambasadori i Kosovës në Shqipëri, Sylejman Selimi, gjatë Rambouille’t na u tha shkurtimisht se kishte bërë puç dhe ishte bërë Komandant i UÇK’së”, ka treguar Surroi, sipas të cilit, udhëheqësit e UÇK-së kishin thënë se armët i kishin kapur sa për Serbinë aq edhe për Rugovën e LDK-në.
“Para nisjes në Rambouillet kishim një situatë të vështirë politike. Animoziteti i disa prej drejtuesve të UÇK-së ndaj Rugovës dhe LDK-së ishte shumë i madhe. Disa prej tyre konsideronin se kishin marrë armët sa kundër Serbisë, aq edhe kundër Rugovës”, ka deklaruar Surroi.
Në këtë intervistë, ai është marrë, po ashtu, edhe me votuesit e PDK-së. Ka thënë se 200 mijë njerëz në Kosovë pajtohen se krimi është i pranueshëm. “Janë së paku 200 mijë njerëz që deri më tani kanë pranuar me votën e tyre s ekrimi është një veprim i pranueshëm në jetën politike”, ka deklaruar Surroi…
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë