Kosova
Sulmohet me koktej molotovi një lokal në veri, të cilin Sveçla e kishte vizituar
![](https://www.albinfo.ch/wp-content/uploads/2023/06/564576270_highres-566x396.jpg)
Pastiçeria “Sharr” në Mitrovicë të Veriut është sulmuar me koktej molotovi, mëngjesin e 14 korrikut.
Lajmi u konfirmua për Radion Evropa e Lirë nga zëvendësdrejtori i Policisë së Kosovës për rajonin e veriut, Veton Elshani.
“Rreth orësh 03:30 ka pasur tentim për zjarrvënie në Mitrovicë të Veriut”, tha Elshani.
Sipas tij, dëmet materiale janë të vogla.
“Për momentin nuk kemi të dyshuar”, theksoi Elshani.
Ditë më parë, ministri i Punëve të Brendshme të Kosovës, Xhelal Sveçla, së bashku me ish-kryetarin e Mitrovicës së Jugut, Agim Bahtiri, kishin qëndruar në pastiçerinë që u bë cak i sulmit me koktej molotovi më 14 korrik. Pronarët e lokalit janë pjesëtarë të komunitetit goran.
I pyetur nëse sulmi ndaj këtij lokali u krye në shenjë hakmarrjeje për vizitën e Sveçlës, Elshani tha se “nuk përjashtohet” mundësia që ky të jetë motivi i sulmit.
Tensionet në veriun e Kosovës, të banuar me shumicë serbe, janë të larta që nga vitin e kaluar, kur mes kundërshtimeve të popullatës lokale serbe, kryetarët shqiptarë morën drejtimin e Mitrovicës së Veriut, Leposaviqit, Zveçanit dhe Zubin Potokut.
Tensionet u rritën edhe më shumë më 24 shtator, pasi një grup i serbëve të armatosur sulmuan Policinë e Kosovës në Banjskë të Zveçanit, duke vrarë një rreshter. Gjatë përleshjeve që pasuan u vranë edhe tre sulmues serbë.
Kosova fajëson Serbinë për sulmin, por Beogradi mohon përfshirjen. Përgjegjësinë për sulmin e armatosur në Banjskë e ka marrë Millan Radoiçiq, ish-nënkryetar i Listës Serbe, partisë kryesore të serbëve në Kosovë që gëzon mbështetjen e Beogradit. Kosova ka kërkuar që Serbia ta dorëzojë Radoiçiqin dhe pjesëtarët e grupit të tij që kryen sulmin para autoriteteve gjyqësore të Kosovës./REL
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë