Lajme

Sulmi në Bruksel, ndërpritet ndeshja Belgjikë-Suedi

Pas sulmit në qendër të Brukselit është ndërprerë ndeshja që po zhvillohej mes Belgjikës dhe Suedisë.

Ndërkohë, dëshmitarët e cituar nga “Le Soir” raportojnë se kanë parë një individ të armatosur të veshur me një xhaketë portokalli duke ikur me një skuter.

Ai dyshohet se ka qëlluar fillimisht në hollin e një pallati dhe më pas drejt dy personave që ndodheshin në një taksi.

Ngjarja ka ndodhur rreth orës 19:15 në afërsi të Place Sainctelette. Në vendngjarje kanë mbërritur forcat policore dhe shërbimet e emergjencës. masë të madhe shërbimet e emergjencës. Asnjë i dyshuar nuk është arrestuar. Policia është vënë në kërkim të të dyshuarit.

Në disa video të postuara në rrjetet sociale, i dyshuari pretendon se i përket Shtetit Islamik. “Ne jetojmë për fenë tonë, ne vdesim për fenë tonë, faleminderit Zotit”, thotë ai në njërën prej tyre.

Antoine Iseux, zëdhënës i qendrës kombëtare të krizave, i kontaktuar nga “Le Soir” tha se, po monitorohet situata.

“Për momentin, dosja është ende duke u ndjekur nga prokuroria publike e Brukselit”, shpjegon ai.

Kryeministri, ministri i Brendshëm dhe ministri i Drejtësisë janë aktualisht në qendrën e krizës për të monitoruar situatën.