Lajme
Stuhitë në Evropë shkaktuan 7 viktima
![](https://www.albinfo.ch/wp-content/uploads/2021/05/auto_vershime-780x4391610738417-1.jpg)
Stuhitë e egra dhe shirat e rrëmbyeshëm që goditën Francën, Zvicrën dhe Italinë, këtë fundjavë, kanë shkaktuar deri më tani 7 viktima. Katër persona humbën jetën pasi shirat e fortë shkaktuan një rrëshqitje dheu në Zvicrën juglindore, në kantonin italishtfolës të Ticinos. Ndërsa një tjetër burrë raportohet të jetë zhdukur në Valais, tha policia zvicerane. Shërbimet e sigurisë civile të Zvicrës thanë se qindra njerëz u evakuuan në kantonin jugor të Valais dhe rrugët u mbyllën pasi lumi Rhone dhe degët e tij vërshuan në vende të ndryshme.
Moti i keq po e bën shumë të vështirë punën e shpëtimit edhe në disa lugina në kantonet jugore të Ticino dhe Valais, pranë kufirit me Italinë, në të cilat është shkëputur edhe rryma elektrike.
Në Francë, tre persona në të 70-at dhe 80-at e tyre vdiqën në rajonin verilindor Aube, kur një pemë që po binte goditi makinën me të cilën po udhëtonin. Ndërsa pasagjeri i katërt është në gjendje kritike.
Rrëshqitjet e dheut dhe përmbytjet, po ashtu, kanë mbërthyer luginat alpine midis Piemonte dhe Valle d’Aosta në Itali. Autoritetet vendase po përballen me situata aspak të lehta. Sot alarmi për përmbytje u zhvendos edhe në rajonet e Veneto, Emilia Romagna dhe Friuli Venezia Giulia.
E-Diaspora
-
Mërgimtarët me nënshtetësi gjermane ja si mund ta rifitojnë shtetësinë e Kosovës Pas futjes në fuqi të “Ligjit për Modernizimin e Shtetësisë së Republikës Federale të Gjermanisë”, të...
-
Krejt në mërgim, fshat i bukur, por i boshatisur, në Vushtrri
-
KF Prishtina nga Berna fiton kupën e Unionit të klubeve shqiptare në Zvicër
-
Gjykata Federale vendos: Nuk dëbohet në Kosovë personi që ka vrarë gruan
-
E solli të miturën nga Zvicra në Kosovë, dyshohet se e dhunoi, arrestohet i dyshuari
Jeta në Zvicër
-
A lejohet siguruesi të ndërhyjë në trajtimin mjekësor të një pacienti? A ka të drejtë një sigurues të ndërhyjë në trajtimin mjekësor të një pacienti? Kështu ndodhi...
-
Përsëri stuhi këtë fundjavë, rrezik edhe për rajone të tjera
-
Ushtria zvicerane është dislokuar për ndihmë edhe në Goms
-
Deri në 100 milionë franga dëme nga stuhia në Saas-Grund
-
Gjithnjë e më pak duhanpirës në Zvicër