Lajme
Studimi tregon se nxehtësia aktuale u shkaktua nga faktori njeri
Muaji korrik i këtij viti ka të ngjarë të jetë më i nxehti që toka ka parë në rreth 120,000 vjet. Megjithatë, studimi i fundit nxjerr se këto temperatura të larta do të ishin të pamundura pa ndryshimet klimatike nga ngrohja globale.
Ndryshimet klimatike të shkaktuara nga njeriu janë fajtorë për valët e të nxehtit intensiv që prekin disa rajone të botës këtë muaj, tha një studim i publikuar të martën, shkruan DW.
Nga analiza e shpejtë e temperaturave të larta aktuale, veçanërisht në Evropën Jugore dhe SHBA-në Jugperëndimore, studiuesit nga grupi World Weather Attribution arritën në përfundimin se nxehtësia vdekjeprurëse do të kishte qenë praktikisht e pamundur pa grumbullimin e vazhdueshëm të gazeve ngrohëse në ajër, përcjell albinfo.ch.
Bota është ngrohur 1.2 gradë Celsius mbi nivelet paraindustriale dhe shkencëtarët kanë paralajmëruar se kalimi përtej rritjes 1.5 C do të ketë pasoja katastrofike për qytetërimin njerëzor.
Për shkak të klimës së ngrohjes, valë të nxehta të rënda si ato aktuale tani mund të priten afërsisht një herë në 15 vjet në Amerikën e Veriut, çdo 10 vjet në Evropën Jugore dhe çdo pesë vjet në Kinë, thanë studiuesit.
Nëse temperatura globale rritet me 2 gradë mbi nivelet paraindustriale, siç mund të ndodhë nëse njerëzit nuk arrijnë të frenojnë emetimet e gazeve serrë, ato do të ndodhin çdo dy deri në pesë vjet rreth vitit 2050, u tha tutje në studim, shkruan DW.
Valët e të nxehtit kanë qenë gjithashtu më të nxehta sesa do të kishin qenë pa ndryshimet klimatike që kanë bërë që vala e të nxehtit në Evropën Jugore të jetë 2.5 gradë më e nxehtë, ajo në SHBA dhe Meksikë 3.6 gradë më e nxehtë dhe ajo në Kinë 1 gradë më e nxehtë, përcjell albinfo.ch.
“Roli i ndryshimit të klimës është absolutisht dërrmues. Për sa kohë që ne vazhdojmë të djegim lëndë djegëse fosile, do të shohim gjithnjë e më shumë nga këto ekstreme”, tha shkencëtarja klimatike Friederike Otto e Institutit Grantham për Ndryshimet Klimatike dhe Mjedisin në Imperial College London.
E-Diaspora
-
Mbrëmje kulturore kushtuar rrënjëve të qytetërimit tonë Kjo ngjarje e veçantë kulturore u kushtohej figurave madhore Shën Jeronimit dhe Shën Nënë Terezës, dy...
-
Rama nga Londra godet opozitën: Nxitën akte antishqiptare në tokë të huaj
-
Rama takohet me diasporën në Londër, pritet me protesta nga opozita
-
Edi Rama sot takon diasporën në Londër
-
Dubai: Firma shqiptare e patundshërive me ofertë për investitorët shqiptarë të Zvicrës
Jeta në Zvicër
-
Pasditen e së dielës pritet të rikthehen në qarkullim trenat në Gjenevë Stacioni i trenit Cornavin në Gjenevë është i mbyllur deri të dielën në orën 15:00 për...
-
Për njëzet vjet, Google ka ndihmuar në transformimin e Cyrihut
-
Banorët e Cyrihut duhet të ndajnë 45 franga për dritat e Krishtlindjeve
-
Zvicër: Mbi 12,000 raportime për fyerje
-
Çfarë nisma të tjera votojnë kantonet dhe qytetet në Zvicër?