Futboll
Sonte caktohet finalisti i dytë, ja kush mund të jetë skuadra favorite
Sot luhet gjysmëfinalja tjetër e Euro 2024
![](https://www.albinfo.ch/wp-content/uploads/2023/12/539627025_highres-587x392.jpg)
Anglia favorite në letër do të përballet sonte në gjysmëfinalen e Evropianit kundër Holandës. ‘Tulipanët’ në vlerën e tregut vlejnë sa gjysma e ‘tre luanëve’, por gjithsesi kanë besim se do të jenë ata të cilët do ta luajnë finalen e 14 korrikut kundër Spanjës, përcjell albinfo.ch.
Në Sigal Iduna Park do luhet sonte, duke nisur nga ora 21:00, gjysmëfinalja e dytë e Evropianit Holandë-Angli, me ‘tre luanët’, të cilët kuotohen si favoritë për finalen e 14 korrikut kur i pret Spanja.
Asnjë përfaqësuese nuk ka mungesa, ndërsa kjo do të jetë përballja e 23 mes dy përfaqësueseve. Anglia, që nuk ka bindur në këtë Evropian, ka 7 fitore, 6 Holanda, ndërsa 9 ndeshje janë mbyllur në barazim. Deri më tani në fazën finale të Evropianit dy kombëtaret janë përballur 2 herë me njëra-tjetrën. Në 1996 Anglia fitoi kundër Holandës 4-1 në fazën e grupeve, ndërsa në 1988 po në të njëtën fazë Holanda mposhti Anglinë 3-1. Në atë kampionat Evropian më vonë Holanda do të shpallej kampione, duke ngritur trofeun e vetëm që gëzon edhe sot e kësaj dite.
‘Tulipanët’ në gjysmëfinale vijnë pas fitores 3-0 në 1/8 kundër Rumanisë dhe në çerekfinale 2-1 kundër Turqisë, ndërsa Anglia, edhe pse favorite si në 1/8, ashtu edhe në çerekfinale, është kualifikuar me penallti. Nëse dy shtesat do të ndikojnë në këmbët e lojtarëve të Southgate kjo mbetet për t’u parë sonte.
Te Anglia sytë i kanë te treshja e sulmit Kane, Saka dhe Foden, por pa harruar Bellingham, ndërsa te Holanda shpresat janë te Cody Gapko, pasi konsiderohet si lojtari i ndeshjeve të mëdha.
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë