Si të negocioni uljen e qirave në Zvicër, nëse e keni shumë të lartë

Çfarë duhet të bëni nëse keni qiranë shumë të lartë në Zvicër

Për dallim nga disa vende të tjera që kanë vendosur masa për të ndihmuar qiramarrësit, Zvicra u ka kërkuar qiramarrësve që të përpiqen dhe të negociojnë vetë pme ronarët, për t’i ulur qiratë.

Kriza e koronavirusit e ka goditur ekonominë zvicerane. Qiramarrësit në këtë kohë e kanë më të vështirë përmbushjen e detyrimeve të tyre për qiranë, përcjell albinfo.ch.

Për dallim nga disa vende të tjera që kanë vendosur masa të ndihmës financiare për të ndihmuar qiramarrësit, hapat e Zvicrës kanë qenë relativisht modestë.

Ndërsa afati për pagimin e qirasë në prapavijë është zgjatur nga 30 në 90 ditë, Shoqata Zvicerane e Qiramarrësve ka thënë se kjo masë shërben vetëm për t’u thelluar qiramarrësit me borxhe të mëtejshme për të ardhmen.

Në vend të kësaj, autoritetet zvicerane kanë inkurajuar qiramarrësit të negociojnë me pronarin e tyre me shpresën që të paguajnë më pak qira.

Në një intervistë për gazetën zvicerane 20 Minuten, Shoqata e Qiramarrësve parashtroi një plan që qiramarrësit e interesuar mund ta ndjekin në mënyrë që qiraja e tyre të zvogëlohet.

Hapni një dialog me pronarin tuaj

Pasi që nuk ka asnjë mekanizëm ligjor për ta detyruar pronarin tuaj që të pajtohet me një kërkesë për uljen e qirasë, pavarësisht nëse do t’ju lejohet ulja e qirasë ose varet plotësisht nga qiradhënësi.

Kjo do të thotë se një marrëdhënie e mirë është thelbësore.

Për ata që tashmë kalojnë mirë me pronarët e tyre kjo mund të mos jetë një çështje e tillë, por për këdo që marrëdhënia me qiradhënësin e tij është e tendosur, mund të jetë pak më e vështirë, përcjell albinfo.ch.

Për disa, tërheqja e një qiradhënësi në bazë të ankesës, duke theksuar vështirësitë me të cilat përballet pagesa e qirasë do të jetë e mjaftueshme për një ulje të përkohshme.

Ndërtimi i një marrëdhënieje midis qiramarrësit dhe qiradhënësit është veçanërisht i efektshëm për njerëzit me qira private, në vend se ata që marrin me qira nga konglomerate të mëdha ose kompani.

Kjo nuk ka gjasa të ndihmojë të gjithë, por mund të sigurojë shpresë për ndërtimin e një marrëdhënie më konstruktive me pronarin tuaj – si tani dhe në të ardhmen.

Apeli për arsye

Rebecca Joly, nga Shoqata e Qiramarrësve, i ka thënë gazetës 20 Minuten se çdo kërkesë e bërë ndaj një qiradhënësi për uljen e qirasë duhet të bazohet në argumente si dhe në arsye, përcjell tutje albinfo.ch.

Qiradhënësit e dinë se ndërprerja e një marrëveshje qiraje dhe gjetja e një qiramarrësi të ri është një proces i vështirë në kohën më të mirë.

“Nëse unë kam jetuar në apartament për dhjetëra vjet dhe kam paguar gjithmonë qiranë me kohë, qiradhënësi do ta ketë të vështirë që në mkohë krize të ma përfundojë kontatën e qirasë,” thotë Joly.

Siguroni një plan të organizuar

Ndërsa disa pronarë mund të mos hezitojnë të pajtohen për një angazhim të gjerë për të paguar më pak qira, ka më shumë gjasa që të bien dakord nëse i paraqisni me një plan të strukturuar se si dhe me sa do të paguhet qiraja.

Paraqitja e qiradhënësit tuaj me një plan këstesh për mënyrën se si do të mbulohet qiraja – përfshirë zvogëlimin e përqindjes çdo muaj – mund t’i inkurajojë ata të respektojnë.

Megjithëse Shoqata e Qiramarrësit thotë se është më mirë të arrihet në mënyrë joformale në fillim – veçanërisht për pronarët privatë – një plan me shkrim me këste mund të funksionojë, veçanërisht nëse hartohet me ndihmën e një eksperti.

A është ndihma për qiramarrësit në rrugë?

Deri më tani, qeveria zvicerane nuk është pajtuar se si të ndihmojë qiramarrësit e banimit dhe ata tregtarë, me disa ide që nuk kanë arritur të marrin mbështetje të mjaftueshme.

Shoqata e Qiramarrësve ka treguar mbështetjen e saj për një iniciativë parlamentare të paraqitur nga deputeti nacional Christian Danders i cili do të lejonte që periudha kur dikush nuk mund të bëjë pagesën, të zgjatet deri në gjashtë muaj.

Sipas planit, kushdo që paguan qiranë përsëri brenda dy muajve nga njoftimi duhet të lejohet të qëndrojë në apartament për gjashtë muaj të tjerë ose të jetë në gjendje të marrë me qira përsëri objektet.

Pas gjashtë muajsh, pagesa do të përfundonte dhe marrëveshja e qirasë do të hynte përsëri në fuqi për sa kohë që nuk kishte pagesa të prapambetura. /Albinfo.ch.

 

---