Lajme
“Shtyhet” me policinë, arrestohet shoferi i BMW-së, kosovari 18-vjeçar
Shoferi u padit dhe iu dha një njoftim për t'u larguar nga zona e qytetit të Cyrihut. Por ai sërish kapet pas pak...
![](https://www.albinfo.ch/wp-content/uploads/files/raserii.jpg)
Mbrëmjen e së shtunës, një 18-vjeçar po ngiste një veturë BMW rreth Cyrihut, duke manipuluar me rrotat dhe duke shtuar shpejtësinë e motorit. Policia e futi dy herë shoferin e ri në rrjet. Ballafaqimi i dytë ka përfunduar me arrestim, transmeton albinfo.ch.
Siç shkruan policia e qytetit të Cyrihut, (polizeinews.ch) pak para orës 20:00, një patrullë kishte vënë re një BMW që lëvizte nga Börsenstrasse në Stadthausquai, në qytetin e Cyrihut. Papritur, shoferi ndezi motorin e makinës dhe u nis drejt urës Münsterbrücke-së duke “ia fishkëlluar” gomat makinës dhe më pas u kthye në Kappelergasse. Aty u ndalua dhe u kontrollua.
Shoferi u padit dhe iu dha një njoftim për t’u larguar nga zona e qytetit të Cyrihut. Pas kontrollit, ai u lejua të vazhdonte drejtimin. Kur policët patrullues kaluan nëpër Stadthausquai pas inspektimit, ata vunë re një “pistë drift” (shenjat e zvarritjes së qëllimshme të gomave) mbi 20 metra të gjatë, e cila supozohet se ishte shkaktuar nga gomat e BMW-së.
Rreth orës 21:00, një tjetër patrullë vuri re një BMW duke manipuluar me motorin e saj në kryqëzimin Uraniatrasse/Seidengasse. Më pas drejtuesi i makinës i është nënshtruar kontrollit, përcjell albinfo.ch. Doli se ishte i njëjti person që ishte kontrolluar më parë dhe ishte larguar në Kappelergasse.
18-vjeçari kosovar është arrestuar më pas, pas konsultimit me prokurorin publik.
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë