Kosova
Shqiptarët, me katër skuadra në kualifikimet për Ligën e Kampionëve
![](https://www.albinfo.ch/wp-content/uploads/2024/05/440470974_949908557137190_7252150543926717279_n-1-587x394.jpg)
Pas shpalljes kampion të ekipit nga Tuzi, Deçiq, në Malin e Zi, shqiptarët do të kenë katër përfaqësues në kualifikimet e Ligës së Kampionëve në edicionin e ardhshëm, 2024/2025.
Titullin e parë në histori Deçiqi e siguroi të shtunën mbrëma. Deçiqi fitoi 1:0 në udhëtim ndaj Sutjeskës dhe siguroi titullin një xhiro para fundit. I ka 67 pikë, gjashtë më shumë se Buduqnosti e Mornari. Deçiqi do ta përfaqësojë Malin e Zi në Ligën e Kampionëve.
“Me krenari dhe emocion ju drejtohem në këtë moment historik për Komunën e Tuzit dhe për ekipin tonë të dashur, Deçiqin, që ka arritur të kurorëzohet kampion i Malit të Zi. Kjo fitore na tregon se me punë të përbashkët dhe përkushtim, gjithçka është e mundur. Ky triumf nuk është vetëm një arritje sportive, por një dëshmi e përkushtimit, sakrificës dhe bashkimit të të gjithë neve. Ekipi i Deçiqit ka punuar me zell, ka treguar disiplinë dhe vendosmëri, dhe sot po korrin frytet e një pune të palodhshme”, shkruan në një urim të kryetarit të Komunës së Tuzit, Lindon Gjelaj.
“Shpallja kampion i vendit është dëshmi e potencialit tonë dhe një frymëzim për të gjithë brezat e ardhshëm që të vazhdojmë të zhvillojmë dashurinë për ekipin dhe komunën tonë”, shkruan tutje në urimin e Gjelajt.
Deçiqin e kanë uruar edhe politikanë të ndryshëm shqiptarë në Mal të Zi. E ka uruar edhe kampioni i Kosovës, Ballkani.
Ka disa vjet që Deçiqi është prej ekipeve kryesore në Malin e Zi. Dhe rritjen e konfirmoi këtë edicion me titullin e kampionit.
Deçiqi, Struga, Ballkani dhe kampioni i Shqipërisë do të paraqiten në raundin e parë kualifikues të Ligës së Kampionëve. Pra, nuk përjashtohet mundësia e përballjeve shqiptare në Champions.
Pal Dreshaj është kryetar i Deçiqit, ndërsa Fatos Beqiraj e kryen detyrën e drejtorit sportiv. Prej futbollistëve një pjesë janë shqiptarë.
“Është titulli i parë, por jo edhe i fundit. Do të jemi skuadra e katërt shqiptare që do të garojë në kualifikimet për Ligën e Kampionëve, Është epoka e shqiptarëve, apo jo”, ka thënë Dreshaj pak kohë para se të sigurohej edhe zyrtarisht titulli i kampionit nga Deçiqi.
Me hapjen e stadiumit, Deçiqi pritet të jetë edhe më i fortë. Dhe, një periudhë dominimi e këtij klubi në Malin e Zi nuk përjashtohet. /Koha.net
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë