Shqipëria
Shqipëria nis tani përgatitjet për sezonin e ardhshëm veror
![](https://www.albinfo.ch/wp-content/uploads/2021/03/albania-1102832_1920.jpg)
Ministrja e Turizmit dhe Mjedisit, Mirela Kumbaro njoftoi se “një nga ndryshimet që vlen të përmendet është ndryshimi i kufirit minimal të stacioneve publike të plazhit, që do të menaxhohen nga bashkitë. Ndonëse këtë vit në total 50% e parcelave të plazheve të parashikuara nga bashkitë bregdetare ishin publike, minimumi ligjor ishte 20%, ne e ngritëm në 30% me vendimin e sotëm”, tha ajo.
Sipas Kumbaros, kontratat e lidhura do të vazhdojnë të jenë të vlefshme edhe për vitin tjetër dhe për kohëzgjatjen e lidhur.
“Nga këto kontrata që kanë vlerë për pushtetin vendor mjafton të përmendim faktin që 208 milionë lekë u mblodhën nga bashkitë në vitin 2019 dhe 505 milionë lekë janë mbledhur të ardhura nga sistemi i menaxhimit të plazheve për vitin 2022. Janë të domosdoshme edhe për të siguruar funksionimin e bizneseve private, por edhe për të garantuar monitorim, mirëmbajtje, pastrim. Nga ana tjetër do të futen për vitin që vjen dy masa shumë të rëndësishme që kanë të bëjnë me turizmin detar”, nënvizoi Kumbaro.
Ministrja Kumbaro u shpreh se “për herë të parë fillojnë stacionet e ankorimit dhe bregëzimit për mjetet lundruese”.
“Për vitin që vjen aplikimet në sistemin online për stacionet e plazhit fillojnë më datën 1 nëntor. I gjithë procesi i përgatitjes së sezonit të ardhshëm do të kryhet brenda vjeshtës së vitit 2022”, tha Kumbaro.
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë