Zhvillim
Shqipëria eksporton vajin e ullirit edhe në Zvicër
Vaji i Ullirit që prodhohet në Shqipëri arrin në Shtetet e Bashkuara të Amerikës, Zvicër e deri në Kinë.

Këtë e ka bërë të ditur për mediat e Tiranës eksperti Dhimitër Panajoti.
Në një vit Shqipëria arrin të prodhojë rreth 10 mijë tonë vaj ulliri, por për arsye të rritjes së eksportit, për të plotësuar nevojat importohen rreth 1 mijë tonë. Por, konsumi i vajit të ullirit për frymë në vend mbetet i ulët në krahasim me vendet e tjera.
“Konsumin e vajit të ullirit e kemi rreth 3 litra për frymë maksimumi, nga prodhimi i brendshëm. Gjithë vendet e tjera, Italia, Spanja, Greqia, e kanë pesë herë më shumë. Gjithë kjo industri është rreth 30 milionë euro”, tha Panajoti, përcjell albinfo.ch.
Kryetarja e shoqatës së vajit të ullirit shqiptar, Silvana Subashi, thotë se në vend janë ngritur rreth 240 fabrika dhe gjysma e tyre merren vetëm me përpunim të vajit për të tretët.
Vetë prodhuesit shprehen se e prodhojnë vajin në temperatura të ulëta për të marrë më shumë cilësi. Kostoja e prodhimit të 1 litri vaj është 800 lekë, ndërkohë te konsumatori ajo shkon me një çmim prej 1 mijë lekësh.
Shqipëria ka 60 mijë hektarë ullinj, nga të cilat 1.3 milionë ullinj janë qindra vjeçarë. Disa nga varietet më të njohura të ullirit shqiptar janë “Kalinjot”, “Kripi i Beratit”, “Bardhi i Tiranës”, “Kripsi i Elbasanit”, “Mixan” dhe “Himara”, të cilat zënë dhe 85% të prodhimit në vend dhe janë të një cilësie shumë të lartë.
Të tjera nga Zhvillim
E-Diaspora
-
Hap dyert pika e re shkollore në Arbon të Kantonit të Thurgaut Që nga dita e parë, nxënësve iu shpërndanë librat shkollorë, dhuratë nga Ministritë e Arsimit, të...
-
Promovim libri nga studentët shqiptarë të Gjenevës dhe KSHGJ
-
Tri klube të Ligës Premier monitorojnë Ardon Jasharin
-
Komuniteti mysliman shqiptar në Zvicër uron festën e Fitër Bajramit
-
Dënohet kosovarja: I ka vjedhur 30.000 franga plakës për të cilën kujdesej
Jeta në Zvicër
-
Vinçi më i madh i Zvicrës po përdoret për rinovimin e urës Për restaurimin e këtij monumenti industrial po rinovohen individualisht tre elementë urë. Edhe ndërtimi i saj...
-
Hap dyert pika e re shkollore në Arbon të Kantonit të Thurgaut
-
Zvicër: Kërkohet që dyqanet e vetë-shërbimit të lejohen të qëndrojnë gjithmonë të hapura
-
Çfarë do të ndryshojë në Zvicër nga prilli?
-
Një në 22 makina në Zvicër është elektrike