Shqipëria

Shqipëri: Shtatë të vdekur nga Covid-19

E diel, 20 Shkurt 2022 - 19:25 albinfo.ch

Keystone EPA/MALTON DIBRA

Numri i të infektuarve me COVID është ulur në Shqipëri, ndërsa ai i viktimave është rritur, pasi gjatë 24 orëve të fundit janë regjistruar shtatë viktima.

Sipas Ministrisë së Shëndetësisë, janë 4,523 pacientë aktivë me COVID në gjithë vendin. Aktualisht në spitalet COVID po marrin trajtim 79 pacientë, nga të cilët 12 janë në gjendje më të rënduar.

Humbën betejën me koronavirusin një qytetar nga Shkodra, 55 vjeç, një qytetar nga Elbasani, 63 vjeç, një qytetar nga Rrogozhina, 70 vjeç, katër qytetarë nga Tirana, 79-86 vjeç.

Janë shëruar 604 qytetarë gjatë 24 orëve të fundit, duke e çuar numrin e të shëruarve në 262,402 që nga fillimi i epidemisë.