“Shoferi Im”, aplikacioni që lidh klientët me shoferët

Aplikacioni “Shoferi Im” jua mundëson, duke dërguar automjetin i cili gjendet më së afërmi lokacionit tuaj

Taksitë janë të nevojshme në çdo vend të botës. Janë shumë të domosdoshëm në jetën bashkëkohore.

Por, shpesh herë klientët porositin taksi dhe nuk e dinë derisa do të vijnë. Për këtë është krijuar “Shoferi Im”, që operon në Kosovë.

Tashmë për ata të cilët nuk kanë kohë të presin taksi, dhe dëshirojnë të shohin vend ndodhjen e taksisë së tyre, aplikacioni “Shoferi Im” jua mundëson, duke dërguar automjetin i cili gjendet më së afërmi lokacionit tuaj.

“Shoferi Im” është aplikacion që ka për qëllim ndërlidhjen në mes konsumatorit dhe shoferëve. Përmes aplikacionit konsumatorët do të kenë mundësinë ta porositin Auto Taxi-n i cili gjendet më se afërmi dhe ta përcjellë në hartë rrugëtimin e tij deri te pikë-nisja e udhëtimit dhe do të informoheni saktë për arritjen e taksit.

Ideatori i këtij aplikacioni, Ideal Shala, ka treguar se momentalisht janë duke operuar në Fushë Kosovë dhe Drenas, derisa së shpejti pritet të jenë edhe në Prishtinë dhe tërë Kosovën.

“Ky aplikacion ka për synim që klientët të dinë se ku ndodhen taksitë që i kanë porositur. Është diçka e re në Kosovë. Është lehtësisht e përdorshme dhe po rritet dita-ditës. Ky është edhe synimi ynë, që të rritim tregun në Kosovë”, është shprehur Shala për albinfo.ch.

Shkarko aplikacionin:
App Store https://apple.co/2RyvCzu
GooglePlay http://bit.ly/2QnjL2K

---