Shërohet pacientja e parë me koronavirus në Kosovë

Kryetari i Komunës së Vushtrrisë, Xhafer Tahiri, ka njoftuar se është shëruar pacientja e parë me koronavirus.

Xhaferi, përmes një postimi në Facebook, ka bërë të ditur se pacientja e shëruar sot do të lirohet për në shtëpi.

“Pacientja e parë në Vushtrri me koronavirus tashmë është shëruar ë Ajo sot lirohet nga Klinika Infektive. Sonte presim ende lajme të mira. Pas çdo vështirësie, vjen lehtësimi, këtë betejë po e fitojmë bashkë. Faleminderit punëtorëve shëndetësorë, ata janë heronjt tanë. Faleminderit qytetarëve për patriotizmin qytetar. Ju ftoj të vazhdojmë me angazhim e disiplinë, t’i respektojmë masat dhe të ndihmojmë qytetin e qytetarët.#rrinshpi ruaje vetën, kujdesu për familjen, ruaje qytetin”, ka shkruar Xhaferi.

---