Lajme
Shega, fruti më shërues, i cilësuar në botë
Vetit shëruse të shegës
Padyshim se shega është një ndër frutat më të rrallë në tokë për nga vlerat që ka për shëndetin. Ajo është fryti “shërues” i pasur me antioksidantë, gjithmonë vlerësuar si simbol i shëndetit.
Vlen të theksohet se shumë studime kanë vërtetuar që bëhet fjalë për një nga frutat më shëruese në botë për shkak të ndikimit të dobishëm në sistemin kardiovaskular, nervor dhe eshtëror, shkruajnë mediat. Është treguar që edhe doza ditore e ekstraktit të shegës nga i cili më së shpeshti konsumojmë çaj ose pekmez, mund të ndihmojë në uljen e tensionit të gjakut dhe nivelit të kolesterinës. Shkencëtarët konsiderojnë që kjo mund të reduktojë rrezikun nga sëmundjet e zemrës te personat e trashë për 17 për qind. Përveç dobive për zemrën dhe enët e gjakut, përbërësit e shegës pengojnë rritjen e kancerit të gjirit, prostatës, zorrës së trashë, leukemisë dhe parandalojnë ndryshimet të cilat nxisin rritjen e tumorit.
Shega është po ashtu e mbushur me vitaminë C dhe konsiderohet mjekim i shkëlqyeshëm kundër proceseve inflamatore, ndërsa është burim i shkëlqyer i vitaminës B5, kaliumit, fenoleve natyrale si elagitaninet dhe flavonoidet.Për ngritjen e imunitetit dhe parandalimin e çrregullimeve shëndetësore ekspertët rekomandojnë konsumimin ditor të 2,5 decilitrave të lëngut të shtrydhur të shegës ose atij kualitativ të blerë. Hulumtimet kanë treguar që vaji i shegës mbron nga kanceri, diabeti, trashja dhe sëmundjet e zemrës, ndërsa të pasurit e antioksidantëve me shumicë e bën shegën aleat të fuqishëm kundër plakjes. Ia kthen elasticitetin lëkurës, duke luftuar njëkohësisht kundër ekzemave, psoriazës dhe lëkurës të djegur nga dielli. Acidet yndyrore që i përmban reduktojnë ënjtjet dhe dhimbjet në muskuj. Shega është e pasur me fitoestrogjene, të cilat lehtësojnë simptomat e menopauzës dhe paramenopauzës si ndryshimi i disponimit, djersitja gjatë natës dhe mungesa e libidos.
Përveç të gjitha këtyre që u theksuan, lëngu i shegës përmirëson edhe funksionin erektil dhe ngrit kualitetin e spermës. Aplikimi i shegës në shtëpi është i madh, nga ajo mund të përgatiten xhelatina, ëmbëlsirat, shurupet, melasa, lëngjet, likeret, vera, uthulla dhe çaji.
E-Diaspora
-
Në Austri sot mbahen zgjedhjet parlamentare – tri gra shqiptare kërkojnë votën tuaj Të tri gratë kanë kërkuar mbështetjen dhe votën e shqiptarëve duke premtuar se do të jenë...
-
Florentina Mallaku Bytyqi kandidon për SVP-në dhe përballet me kritika
-
Suedi: Aida Birinxhiku emërohet anëtare e Komisionit Parlamentar për Çështjet e BE-së
-
Në Kuvendin e Suedisë, deputeti Arbër Gashi ka iniciuar një mocion të rëndësishëm
-
I madhi Shaq, edhe ne të themi: faleminderit, danke, merci, grazie!
Jeta në Zvicër
-
Ndalimi i trajnimit të avionëve luftarakë zviceran F/A-18 vazhdon për arsye sigurie Forcat Ajrore Zvicerane vazhdojnë të pezullojnë operacionet stërvitore me flotën F/A-18, pas problemeve me furnizimin me...
-
Zvicra mirëpret nismën e paqes Kinë-Brazil për Ukrainën
-
Zvicra zgjeron opsionet e shërbimit “Air Rail” në vendpushimet alpine
-
Gjithçka që ndryshon në jetën në Zvicër në muajin tetor
-
Vetëm 22% e menaxherëve të lartë në Zvicër, janë gra