Futboll
Shaqiri synon të rikthehet në Evropë
Xherdan Shaqiri ka konfirmuar se në dhjetor do të largohet nga Chicago Fire kur edhe i skadon kontrata me këtë klub
![](https://www.albinfo.ch/wp-content/uploads/2022/11/545742770_highres.jpg)
Xherdan Shaqiri do të largohet nga skuadra amerikane Chicago Fire pas tre viteve qëndrim.
Ylli kosovar është aktualisht në Gjermani së bashku me Përfaqësuesen e Zvicrës ku do të luaj në Euro 2024.
Megjithatë në konferencë për shtyp, Shaqiri ka konfirmuar se në dhjetor do të largohet nga Chicago Fire kur edhe i skadon kontrata me këtë klub.
32-vjeçari ka konfirmuar se nuk dëshiron të mbetet në MLS dhe e ardhmja e tij pritet të jetë në Evropë.
“Jetoj nga dita në ditë. Është e vështirë për mua të them se ku do të jem pas dy vjetësh. Një gjë është e qartë, kontrata ime në Chicago skadon në dimër dhe tendenca është që unë të largohem dhe të kthehem në Evropë”.
“Duhet të pres dhe të shoh, por jam ende i qetë dhe një rikthim në Evropë do të ishte gjithashtu i rëndësishëm për ekipin kombëtar për shkak të ritmit të lojës”, ka deklaruar ylli nga Gjilani, transmeton albinfo.ch.
Shaqiri iu bashkua Chicago Fire në shkurtin e vitit 2022 nga Olympique Lyon pas vetëm gjashtë muajsh qëndrim te skuadra franceze. Ai deri më tani ka zhvilluar 75 ndeshje me Chicago Fire, derisa ka shënuar 16 gola dhe ka asistuar në 13 të tjerë.
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë