Shkurt.ch
Sërish kontroll brenda zonës së Shengenit?
Malströmm nuk përjashton rivënien në fuqi të kontiollit kufitar në mes të shteteve të Shengenit, për një periudhë të kufizuar
Kontrollimet në kufijtë në mes të shteteve të zonës së Shengenit, dukej se i takonin të kaluarës. Por, me fluksin e shtuar të ardhjes së refugjatëve nga Afrika e veriut drejt Evropës Perëndimore, sërish po shqyrtohet vënia në fuqi e metodës «së vjetër e të mirë», të kontrollit.
Kështu, Komisioni i BE-së për çështje të brendshme nuk e përjashton rivënien në fuqi të kontrollit kufitar në mes të shteteve të zonës së Shengenit, për një periudhë të kufizuar, shkruan news.ch.
Komisioni po ashtu angazhohet për një politikë më efikase të kthimit të refugjatëve dhe për forcimin e agjencisë së mbrojtjes së kufijve Frontex.
Komisionerja Evropiane Cecilia Malmström duke iu drejtuar medieve në Bruksel ka theksuar se nevojitet një kontroll më efektiv i kufijve dhe kthim më konsekuent i ardhacakëve ilegalë. Për këtë arsye, shtetet e BE-së që gjenden në kufijtë e jashtëm të zonës së Shengenit duhen mbështetur si dhe duhet nënshkruar marrëveshje për pranimin e refugjatëve me vendet e treta.
Duke iu referuar zhvillimeve në Afrikën e Veriut, Malstromm ka thënë se liria e lëvizjes në zonën e Shengenit nuk mund të ndalohet, por duhen masa për forcimin e sistemit. Dhe stabiliteti i sistemit, sipas saj nënkupton edhe futjen e masave të përkohshme të kontrollit në kufijtë në mes të shteteve anëtare të zonës së Shengenit. Kjo, do të bëhej e mundur vetëm në kushte të jashtëzakonshme, ka thënë ajo.
Zvicra, si shtet që bën pjesë në zonën e Shengenit, i detyrohet vendimeve që eventualisht do të merren në BE në këtë drejtim.
E-Diaspora
-
Shoqata “ILIRËT” do të prezantohet me këngë e valle shqiptare në qytetin Gland Si çdo vit, edhe këtë nëntor do të mbahet festa shumëkulturore e qytetit Gland, të shtunën,...
-
Kosovari nga Austria po voziste një veturë të vjedhur para 11 vjetëve
-
Kurti uron Ditën Kombëtare të Austrisë
-
“Siparantum” valëvit flamurin e Kosovës në Spanjë, krahas 32 shteteve
-
Arrestohet shqiptari nga Gjermania për keqpërdorim të fëmijëve në pornografi
Jeta në Zvicër
-
Qiratë e larta i pengojnë njerëzit të ndryshojnë apartamentet Edhe pse popullsia zvicerane po rritet me shpejtësi, numri i njerëzve që lëvizin është ulur ndjeshëm...
-
Gjashtë lajmet që “përmblodhën” Zvicrën këtë javë
-
Sa i rëndësishëm është për Zvicrën fituesi i zgjedhjeve në SHBA?
-
Aeroplani zviceran u detyra të bëjë ulje të paplanifikuar, kjo është arsyeja
-
Eurovision Song Contest në Bazel: EDU dorëzon referendumin