Sërish fitojnë djelmoshat e FC Kosovës 3:0

FC Kosova vazhdon rrugëtimin drejt titullit të kampionit në Ligën e 2 Interegjionale.

FC Kosova e Cyrihut ka mposhtur FC Kreuzlingenin me rezultatin e thellë 3-0.

Pjesa e parë e takimit u mbyll pa gola.

Kosova dhe Kreuzlingeni ishin jashtëzakonisht të kujdesshëm në lojë. Me gjithë shanset e shumta të Sadikut (38), Jusuf Shales (37), pjesa e parë ka mbaruar pa gola.

Jo të gjithë shikuesit ishin kthyer në vendet e tyre në pjesën e dytë, kur FC Kosova e Cyrihut ka kaluar në epërsi. Pas një goditje nga këndi, Jusuf Shala ka reaguar shpejt dhe ka shënuar golin e parë në këtë përballje me FC Kreuzligen. Përkrahja e tifozëve nuk ka munguar gjatë gjithë ndeshjes. Golin e dytë e ka shënuar Alban Hotnjani.

Mehmet Hasani solli golin e tretë në minutën e 88-të. Ky rezultat mbeti deri në përmbyllje të këtij takimi. FC  Kosova e Cyrihut ka shënuar fitoren e katërt në ndeshjen e katërt në grupin e gjashtë të Ligës së 2 Interegjionale.

Gjatë festave ka një pushim në kampionat.

SV Lyss është kundërshtari i ardhshëm i FC Kosovës. Ndeshja e radhës zhvillohet të shtunën, në 15.30, në Zürich.

FC Kosova

Gigi Proietti, Shpëtim Sadiku, Nesret Ljimani, Jeton Jakupi, Bajram Zecirovci, Alban Hotnjani (85 Gökhan Berisha), Mikel Lazri, (69 Shqiprim Thaçi), Atdhe Gashi, Jusuf Shala dhe Edmond Kabashi (79 Mehmet Hasani).
Në bankën rezervë: Caner Öztürk, Ermir Avdija, Zahir Idrizi dhe Elbasanit Thaqi.

---