Kosova
Sarrazin: Nuk do të ndryshojmë qëndrimin ndaj Dodikut që bllokon lëvizjen e lirë të qytetarëve të Kosovës në Bosnjë
Emisari gjerman për Ballkanin Perëndimor, Manuel Sarrazin, ka thënë se evropianët nuk do të ndryshojnë qëndrim sa i përket sanksioneve ndaj Milorad Dodikut, kryetarit të Republika Sërpskas në Bosnjë-Hercegovinë, për bllokimin e lëvizjes së lirë të qytetarëve të Kosovës në BeH.
Në një diskutim online me gazetarët, Sarrazin pas samitit u shpreh se Gjermania ka bërë përpjekje për t’i bindur përfaqësuesit e entitetit të Republikës Serbe ta tërheqin veton nacionale.
“E kemi bërë të qartë se kjo për neve është e domosdoshme dhe po ashtu Komisioni Evropian dhe partnerët tjerë evropianë kanë bërë përpjekje për ta finalizuar këtë. Por po ashtu ua kemi bërë të qartë se nuk do të japim karamele për këtë, nuk do të paguajmë, nuk do të ndryshojmë qëndrim sa i përket sanksioneve të Dodikut, sepse kjo ka të bëjë me përfitimet e qytetarëve të Bosnjë-Hercegovinës dhe Kosovës. Mendoj se çdo qytetar në Kosovë e kupton se nuk do t’i japim karamele Dodikut për të kryer këtë. Është pozitive dhe lëvizje e mirë nga Qeveria e Kosovës që t’i lejojë qytetarët e Bosnjës të lëvizin lirshëm në Kosovë. Ky është shpirti që promovon Procesi i Berlinit dhe shpresoj që përfaqësuesit e entitetit të Republikës Serbe të pajtohen rreth atyre që promovon Procesi i Berlinit”, u shpreh ai.
Sarrazini u shpreh se arritjet e Samitit të një dite më parë janë domethënëse. Në to përfshihet plani i ri i veprimeve për tregun e përbashkët rajonal.
Në kuadër të Procesit të Berlinit, kryeministri i Kosovës, Albin Kurti, njoftoi se Kosova do ta zbatojë njëanshëm marrëveshjen për lëvizje pa viza të shtetasve të Bosnjës. Por marrëveshje e arritur më herët nuk po respektohet nga Bosnjë-Hercegovina.
Të tjera nga Kosova
E-Diaspora
-
Derbaci shënon dy gola për Zvicrën U19 Mesfushori shqiptar i Aaraut, Dorian Derbaci ka shënuar dy gola në fitoren e thellë të Përfaqësueses...
-
Shoqata e Studentëve Shqiptarë të Universitetit të Gjenevës zgjedh Komitetin e ri
-
Latifi takon Kryetarin e Këshillit Nacional zviceran
-
Shqiptarët në Itali hapin qendrën kulturore “Oda”
-
Varshavë: Filmi “Pikë uji” prezantohet në festivalin prestigjioz
Jeta në Zvicër
-
Vazhdon rritja e rasteve të sulmeve ndaj punëtorëve shëndetësor në Zvicër Punonjësit shëndetësor në Zvicër në vazhdimësi janë të rrezikuar nga shumë pacientë dhe të afërm të...
-
Zyra Federale e Shëndetit Publik në Zvicër rekomandon vaksinimin kundër gripit dhe COVID-it
-
Çdo vit në Zvicër vdesin mesatarisht 185 persona duke bërë sport
-
Ka vjedhur cigare me vlerë prej 158,000 frangash: 3 vjet burg për kosovarin
-
Derbaci shënon dy gola për Zvicrën U19