Lajme
Sa po shfrytëzohet ChatGPT nga punëtorët?
![](https://www.albinfo.ch/wp-content/uploads/2023/02/552532843_highres-587x392.jpg)
Një raport i Microsoft tregon se në vend që t’i frikësohen zëvendësimit të vendeve të punës nga IA, njerëzit e mirëpresin atë.
Debutimi i ChatGPT në nëntor ka nxjerrë në pah përparimin e arritur nga modelet e IA. Me aftësinë për të shkruar, për të kodifikuar, për të krijuar biznese e shumë të tjera, nuk ka dyshim se chatbot AI janë në gjendje të kryejnë shumë funksione njerëzore.
Aftësitë e jashtëzakonshme të chatbot IA shkaktojnë frikën se Intelegjenca Artificiale mund të zëvendësojë vendet e punës të njerëzve. Por një raport i fundit tregon se, në vend që t’i frikësohen zëvendësimit të vendeve të punës nga IA, njerëzit e mirëpresin atë.
Raporti Work Trend Index 2023 i Microsoft anketoi 31.000 persona nga 31 vende, duke analizuar tregues të produktivitetit të Microsoft 365 dhe tendencat e punës së LinkedIn Economic Graph, për të kuptuar më mirë ndikimin e Intelegjencës Artificiale te forca e punës.
Sipas sondazhit, ndërkohë që 49% e të anketuarve shfaqën frikën e humbjes së vendit të punës për shkak të IA, 70% deklaroi se do t’i delegonin sa më shumë punë të ishte e mundur IA, në mënyrë që të reduktonin ngarkesën e punës.
“Është e pabesueshme që njerëzit janë më shumë entuziastë që IA do t’i shpëtojë nga burnout se sa të shqetësuar se do të eliminojë vendet e tyre të punës”, deklaroi Adam Grant, profesor i psikologjisë organizative dhe autor i raportit.
Punonjësit do të ishin të gatshëm të merrnin ndihmë në sektorë të ndryshëm, duke përfshirë punët administrative (76%), analitike (79%), punë krijuese (73%), kërkimi i informacioneve të duhura (86%), përmbledhja e takimeve dhe pikave të veprimit (80%) dhe madje, edhe planifikimi i ditës (77%). Raporti vlerësoi sesi drejtuesit e shihnin IA në drejtim të reduktimit të numrit të punonjësve.
Pyetjes se çfarë vlerësojnë më shumë tek IA në vendin e punës, vetëm 16% e drejtuesve iu përgjigj “për të ulur numrin e punonjësve” dhe thuajse dyfishi (31%) u përgjigjën se “do të rriste produktivitetin e punonjësve”.
Rezultatet e këtij raporti mund të ndihmojnë në zbutjen e tensioneve mbi sigurinë e punës në botën e zhvillimeve të shpejta të IA. Megjithatë, rreziqe të tjera që lidhen me përdorimin e IA janë ende të pranishme, duke përshirë mundësinë se mund të shkaktojë katastrofa botërore./ Zdnet
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë