Lajme
Sa hapa në ditë duhet të bëni për të qenë në formë?
![](https://www.albinfo.ch/wp-content/uploads/2022/10/ecja.jpg)
Ndjekja e hapave tuaj është një mënyrë e shkëlqyer për të rritur nivelin e aktivitetit tuaj, por a ju ndihmon vërtet të humbni peshë?
Nutricionistja Kerry Torrance zbuloi për GoodFood se sa hapa duhet të bëjmë çdo ditë.
Ushtrimi është i rëndësishëm, jo vetëm për humbjen e peshës, por edhe për ruajtjen e peshës dhe shëndetin e përgjithshëm.
Aktiviteti fizik rrit punën e metabolizmit, prandaj djegim më shumë kalori, edhe në gjendje pushimi. Lajmi i mirë është se ecja djeg energji dhe mund t’ju ndihmojë të humbni peshë, pavarësisht sa shpejt ecni.
Megjithëse efektet e ushtrimeve në trup maten shpesh me frekuencën, kohëzgjatjen dhe intensitetin e stërvitjes, shumica e ekspertëve pajtohen që ndjekja e aktivitetit gjatë ditës, përveç ushtrimeve të planifikuara, ofron një pamje më të mirë të përgjithshme të niveleve të aktivitetit tonë. Ndjekja e distancës në vend të kohës është gjithashtu më e rëndësishme për aktivitete të caktuara, si vrapimi dhe ecja.
Hulumtimet tregojnë se numri i hapave që bëjmë në një ditë është i mirë për shëndetin dhe jetëgjatësinë tonë. Megjithatë, a ka një numër magjik për të synuar dhe a ka rëndësi se si janë grumbulluar hapat?
Provat sugjerojnë se shumica e të rriturve të shëndetshëm zakonisht bëjnë nga 4,000 deri në 18,000 hapa në ditë, ku 10,000 janë një numër i arsyeshëm për një të rritur aktiv. Megjithatë, ky objektiv prej 10,000 hapash nuk është i përshtatshëm për të gjithë, si p.sh. të moshuarit ose ata me sëmundje kronike.
Për grupet më pak aktive, një udhëzues më i mirë mbështetet në një mesatare prej 100 hapash në minutë gjatë 30 minutave të rekomanduara të aktivitetit të moderuar, që sugjeron të paktën 3000 hapa. Këto hapa duhet të mblidhen përmes aktiviteteve të rregullta, të paktën pesë ditë në javë.
Rritja e numrit të hapave, për shembull, duke marrë shkallët në vend të ashensorit ose duke zbritur më herët nga autobusi, është mirë për shëndetin tuaj, por sa hapa ju nevojiten për të humbur peshë?
Nëse dëshironi të humbni disa centimetra rreth belit, duhet të bëni të paktën 10,000 hapa në ditë, dhe mundësisht më shumë. Provoni të përfshini intervale prej 3500 hapash në rutinën tuaj, kjo pa dyshim do të përmirësojë performancën tuaj.
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë