Futboll
Sa është vlera e kombëtares shqiptare
Në përllogaritjen e përgjithshme, vlera e kombëtares shqiptare është 111,6 milionë euro, duke qenë dhe kombëtarja e parafundit nga 24 ekipet që marrin pjesë në Euro2024
![](https://www.albinfo.ch/wp-content/uploads/2024/03/shqiperia-u21-587x330.png)
Shqipëria do të kërkojë të jetë befasia e madhe e këtij Evropiani, ndonëse ekipi kuqezi ndodhet në Grupin B sa bashku me tre skuadra favorite për të marrë trofeun, Spanjën, Italinë dhe Kroacinë.
Shqipëria merr pjesë për herë të dytë në finalet e një Evropiani e tashmë e ka edhe eksperiencën për të kërkuar më shumë se në Euro 2016, shkruan Supersport, transmeton albinfo.ch.
Në fushën e lojës, padyshim që kuqezinjtë do të luftojnë si të barabartë ndaj rivalëve të grupit, megjithatë, sa i takon vlerës sipas transfermarkt, kuqezinjtë janë skuadra me vlerën më të vogël në Grupin B. Në përllogaritjen e përgjithshme, vlera e kombëtares shqiptare është 111,6 milionë euro, duke qenë dhe kombëtarja e parafundit nga 24 ekipet që marrin pjesë në Euro2024. Vetëm Rumania ka vlerë më të vogël se të besuarit e Sylvinho.
Armando Broja është lojtari me vlerën të madhe tek skuadra e Shqipërisë, teksa kartoni i sulmuesit të Chelsea arrin vlerën e 22 milionë eurove. Pas tij është Kristian Asllani i Interit, që kap vlerën e 18 milionë eurove.
Spanja është kombëtarja me vlerën më të shtrenjtë në Grupin B, teksa përllogaritet që 26 lojtarë e grumbulluar të arrijnë vlerën e 965.5 milionë eurove. Spanjollët janë dhe kombëtarja e katërt më e e shtrenjtë në këtë Euro 2024.
Italia arrin vlerën e 705 milionë e 500 mijë eurove, ndërsa Kroacia 327,7 milionë eurove. Sa i takon tre vendeve të para në këtë renditje të veçantë, kombëtarja më e shtrenjtë është ajo e Anglisë, që kalon vlerën e 1.5 miliardë eurove. Pas britanikëve, ndodhet kombëtarja franceze që arrin vlerën e 1.2 miliardë eurove, ndërsa në vendin e tretë është Portugalia e Cristiano Ronaldo me vlerë pak më shumë se miliard euro.
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë