Lajme
Rritet prodhimi i qymyrit në vendet e BE-së
![](https://www.albinfo.ch/wp-content/uploads/2017/12/industria_e_qymyrgurit-587x308.jpg)
Vendet e Bashkimit Evropian (BE) bashkë me krizën e energjisë vitin e kaluar rritën prodhimin dhe konsumin e qymyrit.
Zyra Evropiane e Statistikave (Eurostat) publikoi të dhënat lidhur me prodhimin dhe konsumin e qymyrit për vitin 2022 në 27 vende anëtare të BE-së.
Sipas kësaj, në periudhën që u shënua kriza e energjisë, në BE u rrit prodhimi dhe konsumi i qymyrit.
Vitin e kaluar prodhimi i qymyrit në BE në krahasim me një vit më parë u rrit me 5 për qind dhe arriti në 349 milionë tonë, ndërsa konsumi i qymyrit u rrit me 2 për qind, duke arritur në 454 milionë tonë.
Prodhimi i qymyrit linjit në vitin 2022 u rrit me 6 për qind në krahasim me një vit më parë dhe arriti në 294 milionë tonë. Gjermania u rendit e para në prodhimin e linjitit në mesin e 9 vendeve të BE-së, të cilat prodhojnë linjit.
Gjermania kreu 44 për qind të prodhimit të linjitit të BE-së me 131 milionë tonë. Polonia 19 për qind të prodhimit të linjitit, Bullgaria 12 për qind, Çekia 11 për qind, ndërkohë prodhim të linjitit kryejnë edhe vendet e tjera, si Rumania, Greqia, Hungaria, Sllovenia dhe Sllovakia.
Vitin e kaluar prodhimi i qymyrit të gurit të vendeve të BE-së arriti në nivelin 55 milionë tonë. Në mesin e vendeve të BE-së, prodhimi i qymyrit të gurit u bë vetëm në Poloni dhe Çeki.
Konsumi i qymyrit në vitin 2022 arriti në 160 milionë tonë. Konsumi më i madh i qymyrit u realizua në Poloni, me 38 për qind dhe në Gjermani, me 25 për qind. Këto vende u pasuan nga Italia, Holanda, Franca, Spanja dhe Çekia.
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë