Revista Elle: Dua Lipa liberalizon shtetin më të ri të Evropës

Nëse mund ta dallonit Tokën nga udhëtimi retro galaktik në kopertinën e albumit ‘Future Nostalgia’ të Dua Lipës dhe do ta zmadhonit drejt Evropës, pastaj në jug në Kroaci dhe më tej në zemër të Ballkanit, atje, në Prishtinë, Kosovë, në një natë të ëmbël vere në gusht, do të gjeni Dua Lipën në skenë—në shtëpi.

Kështu nis artikulli i revistës Elle, në të cilën ka zënë vend artistja shqiptare Dua Lipa.

Është e mundur gjithashtu të mblidhni britmat e turmës, energjia që shtrihet shumë përtej Parkut të Gërmisë, ndërsa performanca e Lipës nisi rikthimin e Festivalit Sunny Hill, krijuar nga babai i saj, Dukagjin Lipa, më 2018, por që u shty dy vjet në vijim për shkak të COVID. Megjithatë, gëzimi i turmës buronte nga emocionet më të thella se çdo publikim tipik pas pandemisë: Dua Lipa dhe festivali shërbejnë si kujtues për të rinjtë kosovarë se e ardhmja është e tyre dhe se Lipa – dhe bota – mund t’i dëgjojë, vazhdon tutje artikulli.

Kosova është vendi më i ri në Evropë. Ajo ka gjithashtu një nga popullsitë më të reja, nën 25 vjeç. Si pjesë e ish-Jugosllavisë, vendi pësoi një luftë të përgjakshme nga viti 1998 deri në 1999, duke fituar pavarësinë nga Serbia vetëm në vitin 2008. Ndërsa Gen Z dhe kosovarët u rritën në vitet pas lufta, ata ndjenë peshën dhe jehonat e saj, thuhet mes tjerash në përshkrimin për Kosovën, transmeton Albinfo.ch.

“Kam një ndjenjë të fortë për luftën për shkak të prindërve dhe familjes sime,” thotë Diona Ahmetaj, 24 vjeç, e cila jeton në Prishtinë dhe foli me mua në ditët para festivalit. “Ne pamë libra për masakrat, gjëra që nuk ju dalin kurrë nga koka. Sa herë që televizori jep video luftarake, i shihja prindërit e mi që gjithmonë e ndryshonin atë ose emocionoheshin”.

Si shumë të tjerë, familja e Lipës u largua nga Kosova para kulmit të luftës, duke u zhvendosur në Londër, ku Dua lindi në vitin 1995. Megjithatë, ajo dhe familja e saj u kthyen në Prishtinë kur Lipa ishte 13 vjeçe dhe ajo jetoi atje për dy vjet para se të kthehej në Londër për të ndjekur karrierën e saj. “Është shumë e rëndësishme që fëmijët të mësojnë trashëgiminë e tyre,” më thotë zoti Lipa, “dhe unë dhe gruaja ime, ne e arritëm këtë.”

Ky fokus te familja dhe historitë që kalojnë brezave nuk i humbet rinisë së Kosovës. Teksa flisja me gjithnjë e më shumë njëzet e ca vjeçarë, vura re se sa shumë nga lidhja që ata ndjejnë me Lipën lidhet me faktin se, ashtu si ata, ajo është e afërt me familjen e saj dhe mësoi për luftën përmes asaj lenteje dashurie. Shumë e përmendën këtë si një nga arsyet e dhembshurisë së saj, aktivizmit dhe pse kur ajo flet për Kosovën, i vjen natyrshëm dhe nuk e mëson përmendësh nga tekstet që mund t’ia shkruajnë të tjerët. “Ajo e kupton”, thotë Verona Hasangjekaj, 24 vjeç. “Të gjithë kemi prindërit dhe gjyshërit tanë që flasin për të kaluarën. Ata janë të hapur për këtë. Shpresoj të bëjmë të njëjtën gjë, të vazhdojmë të tregojmë histori, përndryshe kështu harrojmë”.

Natyrisht, lidhja që ndiejnë të rinjtë kosovarë me Lipën është edhe për shkak të talentit të saj muzikor, stilit elektrik dhe për shkak se si një vend afërsisht i madhësisë së Delaware-it, ata kanë qenë gjithmonë të lidhur me të. Secili fans kujton se si e ka njohur Duan: Disa i referohen blogut të saj të fillimit të viteve 2000, cover-ave në YouTube ose kur ajo luajti në një reklamë të X Factor në Mbretërinë e Bashkuar. Të gjithë kujtojnë edhe koncertin e parë të madh të Lipës në Prishtinë në vitin 2016. Disa e njihnin atë personalisht.

Vjosa Zhubi, e cila është disa vjet më e madhe se Lipa, u njoh me të përmes kushëririt të saj kur Lipa jetonte në Kosovë. “Ajo ka qenë gjithmonë një fëmijë i pjekur”, thotë Zhubi. “Ajo mund të jepte mendime të pjekura dhe kishte këtë stil artistik. Pastaj edhe kur largohej, ajo mbante gjithmonë lidhje. Edhe tani, ajo pyet për të gjithë”.

Ky respekt i ndërsjellë u ndje plotësisht në Sunny Hill. Teksa Lipa doli në skenë me një set rozë– i cili ishte dizajnuar posaçërisht për festivalin dhe tërhoqi vëmendjen e gjerë mediatike – ajo u tha fansave në gjuhën shqipe, “Është një ëndërr e madhe për mua të jem këtu dhe të bëj këtë lloj festivali me familjen time, me miqtë e mi dhe me të gjithë këta njerëz që më mbështesin kaq shumë. Faleminderit shumë të gjithëve. Faleminderit për këtë natë të veçantë”.