Maqedonia

Reagon edhe Kurti: Ngushëllime për të gjithë të prekurit nga kjo tragjedi

Ai i ka shprehur ngushëllime familjarëve të të vdekurve, liderëve dhe qeverisë si dhe gjithë vendit

Kryeministri i Kosovës, Albin Kurti, ka reaguar pas tragjedisë me 51 të vdekur në Koçan të Maqedonisë së Veriut.

Ai u ka shprehur ngushëllime familjarëve të viktimave, liderëve dhe qeverisë, si dhe gjithë vendit, transmeton albinfo.ch.

Në fund, ai ka uruar shërim të shpejtë për të lënduarit.

“Jam thellësisht i pikëlluar të kuptoj për humbjen e 51 jetëve në Koçan të Maqedonisë së Veriut, si rezultat i shpërthimit tragjik të zjarrit në një klub nate. Shpreh ngushëllimet më të thella për familjet që kanë humbur të dashurit e tyre, liderëve dhe qeverisë së Maqedonisë së Veriut dhe gjithë vendit gjatë kësaj kohe zie. I uroj shërim të shpejtë dhe të plotë të lënduarve,” ka shkruar Kurti.