Kosova
Kosovë: Tre persona në gjendje të rëndë nga koronavirusi
36 persona po trajtohen në QKUK, ku tre prej të cilëve janë në gjendje të rëndë.
36 të prekur me koronavirus po trajtohen në Klinikën Infektive të Qendrës Klinike dhe Universitare të Kosovës.
Zogaj i ka thënë për mediat kosovare se tre prej të infektuarve gjenden në mjekim intenziv, derisa katër të tjerë deklaron se janë me oksigjeno-terapi.
Sipas saj, edhe gjendja e shtatzënës së infektuar është e mirë.
“36 persona i kemi aktualisht që po trajtohen në Infektivë. Pesë janë në pritje të rezultateve. Tre prej të infektuarve gjenden në mjekim intenziv, ndërsa katër të tjerë janë me oksigjeno-terapi. Në Infektive është duke u trajtuar edhe një shtatzënë dhe gjendja e saj është e mirë”, ka thënë Zogaj për Express.
Ndryshe, mbrëmë në Laboratorin e Mikrobiologjisë Molekulare në Institutin Kombëtar të Shëndetit Publik janë testuar gjithsej 221 mostra të marra nga Klinika Infektive, gjurmimi i kontakteve të rasteve në terren si dhe nga karantina në Qendrën studentore.
Prej këtyre mostrave, pozitive kanë rezultuar shtatë raste. Rastet pozitive janë raste kontakti dhe sipas vendbanimit: gjashtë (6) raste nga komuna e Prizrenit dhe një (1) rast nga komuna e Suharekës.
IKShP’ja ka njoftuar edhe për shërimin e 27 pacientëve.
“Sot më 01 maj 2020, janë shëruar edhe njëzet e shtatë (27) pacientë, bazuar në rekomandimet e OBSH-së ku dy mostra rezultojnë negative me së paku një ditë distancë kohore. Numri i përgjithshëm i të shëruarve deri më sot është gjithsej dyqind e nëntëdhjetë e tetë (298) raste”, thuhet në njoftim.
Që nga shpërthimi i pandemisë, në Kosovë kanë vdekur 22 pacientë. Numri i përgjithshëm i të infektuarve ka arritur në 813, ndërsa 298 pacientë janë shëruar.
Të ngjashme
Të tjera nga Kosova
E-Diaspora
-
Kurti: Pa diasporën, Kosova nuk do ta gëzonte lirinë dhe zhvillimin Kurti nga Parisi: Pa kontributin e diasporës vendi ynë nuk do ta gëzonte lirinë dhe zhvillimin...
-
Debat me kryeministrin Kurti në Universitetin e St. Gallenit
-
SHBA: Oficeri i FSK-së diplomon në Inxhinieri Ushtarake
-
Piktori Haxhi Fejzullahi hap ekspozitë personale në Graz
-
Itali: “Yjet e së ardhmes”, filmi më i mirë ndërkombëtar në festivalin ‘Castelli Romani’
Jeta në Zvicër
-
Miratohet udhëtimi me autobus rajonal ndërmjet Italisë dhe Zvicrës Pasagjerët në shërbimet publike rajonale të autobusëve midis Italisë dhe Zvicrës do të mund të hipin...
-
Cyrihu do të rrisë tarifat e parkimit për makinat e rënda
-
Për 50 vjet numri i personave të punësuar në Zvicër u rrit nga 2.8 milionë në 4.8 milionë
-
Gjykata Federale: Një sulm ‘i vogël’ seksual nuk mund të shkurtojë dënimin me burg
-
Cilat kantone në Zvicër kanë pagën minimale më të lartë?